மாவட்ட செய்திகள்

மருத்துவ படிப்பில் அரசு பள்ளிக்கூட மாணவர்களுக்கு 7.5 சதவீத உள் இடஒதுக்கீடு என்ற அரசின் எண்ணம் நிறைவேறும் + "||" + The government's intention of providing 7.5 per cent internal reservation for government school students in medical studies will be fulfilled

மருத்துவ படிப்பில் அரசு பள்ளிக்கூட மாணவர்களுக்கு 7.5 சதவீத உள் இடஒதுக்கீடு என்ற அரசின் எண்ணம் நிறைவேறும்

மருத்துவ படிப்பில் அரசு பள்ளிக்கூட மாணவர்களுக்கு 7.5 சதவீத உள் இடஒதுக்கீடு என்ற அரசின் எண்ணம் நிறைவேறும்
மருத்துவ படிப்பில் அரசு பள்ளிக்கூட மாணவர்களுக்கு 7.5 சதவீத உள் இடஒதுக்கீடு என்ற தமிழக அரசின் எண்ணம் நிறைவேறும் என கோபியில் அமைச்சர் கே.ஏ.செங்கோட்டையன் கூறினார்.
கடத்தூர், 

கோபி நகராட்சிக்கு உள்பட்ட 11-வது வார்டில் உள்ள அய்யப்பா நகர் பூங்காவில் சிறுவர்களுக்கான விளையாட்டு உபகரணங்கள் வழங்கும் நிகழ்ச்சி நடந்தது. நிகழ்ச்சிக்கு பள்ளிக்கல்வி துறை அமைச்சர் கே.ஏ.செங்கோட்டையன் தலைமை தாங்கி விளையாட்டு உபகரணங்களை வழங்கினார். மேலும் அதே பகுதியில் புதிய ஆழ்குழாய் கிணற்றுடன் 2 ஆயிரம் லிட்டர் கொள்ளளவு கொண்ட குடிநீர் தொட்டியையும் அமைச்சர் திறந்து வைத்து, மரக்கன்றுகளை நட்டு வைத்தார். தொடர்ந்து ஓலப்பாளையம் நெசவாளர் கூட்டுறவு சங்கத்தில் நடந்த விழாவில், 185 நெசவாளர்களுக்கு பாதுகாப்பு அட்டைகளை வழங்கினார்.

அரசு பள்ளிக்கூட மாணவர்களுக்கு...

பின்னர் அமைச்சர் கே.ஏ. செங்கோட்டையன் நிருபர்களிடம் கூறியதாவது:-

தமிழக முதல்-அமைச்சர் எடப்பாடி பழனிசாமி பல்வேறு வளர்ச்சி திட்டப்பணிகளை நிறைவேற்றி வருகிறார். மன்னர் ஆட்சிக்கு பிறகு இந்த ஆட்சியில் தான் குடிமராமத்துப் பணிகள் நடந்துள்ளது. இதனால் ஏரி, குளம், குட்டைகள் மழைநீரால் நிரம்பி வழிகின்றன. தமிழகத்தில் தொழில் தொடங்கும் வாய்ப்பு அதிகரித்துள்ளது. ஏழை மாணவர்கள், பொருளாதாரத்தில் பின்தங்கியுள்ள மாணவர்கள் இந்த ஆட்சியில் பாதுகாக்கப்பட்டு வருகிறார்கள்.

தமிழக அரசு சார்பில் 412 மையங்களில் 6 ஆயிரம் மாணவர்களுக்கு நீட் தேர்வு பயிற்சி அளிக்கப்பட்டது. இதில் அரசு பள்ளிக்கூடத்தை சேர்ந்த ஒரு மாணவர் 664 மதிப்பெண்கள் பெற்று முதலிடம் பெற்றது மகிழ்ச்சி அளிக்கிறது. அரசு பள்ளிக்கூட மாணவர்கள் 303 பேருக்கு மருத்துவ படிப்பில் விரைவில் இடம் கிடைக்கும்.

நிறைவேறும்

கடந்த 2 ஆண்டுகளாக நீட் தேர்வுக்கு பயிற்சி அளிப்பதற்காக 412 மையங்களுக்கு ரூ.57 லட்சம் அரசு சார்பில் செலவு செய்யப் பட்டுள்ளது. வருங்காலங்களில் நீட் தேர்வு பயிற்சி அளிப்பதற்கு தனியாருக்கு அனுமதி வழங்கப்பட மாட்டாது. மருத்துவ படிப்பில் அரசு பள்ளி மாணவர்களுக்கு 7.5 சதவீத உள் இடஒதுக்கீடு கிடைக்க வேண்டும் என்ற தமிழக அரசின் எண்ணம் நிறைவேறும்.

இவ்வாறு அமைச்சர் கே.ஏ.செங்கோட்டையன் கூறினார்.

முன்னதாக நடந்த நிகழ்ச்சியில் பவானிசாகர் எஸ்.ஈஸ்வரன் எம்.எல்.ஏ., கோபி ஆர்.டி.ஓ. ஜெயராமன், தாசில்தார் தியாகராஜன், நகரச் செயலாளர் காளியப்பன் உள்பட பலர் கலந்து கொண்டனர்.

தொடர்புடைய செய்திகள்

1. நன்னிலம் அருகே புத்தாற்றின் குறுக்கே ரூ.3 கோடியில் புதிய பாலங்கள் அமைச்சர் காமராஜ் திறந்து வைத்தார்
நன்னிலம் அருகே புத்தாற்றின் குறுக்கே ரூ.3 கோடியில் கட்டப்பட்ட புதிய பாலங்களை அமைச்சர் காமராஜ் திறந்து வைத்தார்.
2. அரசு சிமெண்டு ஆலையில் நிரந்தர பணி கேட்ட ஆனந்தவாடி கிராம மக்களின் கோரிக்கைகள் பரிசீலிக்கப்படும் அமைச்சர் தகவல்
அரியலூர் அரசு சிமெண்டு ஆலைக்கு ஆனந்தவாடி கிராமத்தில் இருந்து சுண்ணாம்புக்கல் எடுப்பதற்காக, அந்த கிராம மக்களுடனான ஆலோசனை கூட்டம் அரியலூர் கலெக்டர் அலுவலகத்தில் நேற்று நடந்தது.
3. தேர்தலில் முழுமையான வெற்றியைபெற ஒவ்வொரு பூத் அளவிலும் 45 மகளிரை நியமிக்க வேண்டும் அமைச்சர் பேச்சு
தேர்தலில் முழுமையான வெற்றியை பெற ஒவ்வொரு பூத் அளவிலும் 45 மகளிரை நியமிக்க வேண்டும் என்று திருப்பூர் புறநகர் மேற்கு மாவட்ட செயலாளராக பொறுப்பேற்றுக்கொண்ட அமைச்சர் உடுமலை கே.ராதாகிருஷ்ணன் கூறினார்.
4. சென்னையில் 11-ந் தேதி கவர்னர் மாளிகையை தொடர் முற்றுகையிடும் போராட்டம் பி.ஆர்.பாண்டியன் பேட்டி
சென்னையில் வருகிற 11-ந்தேதி கவர்னர் மாளிகையை தொடர் முற்றுகையிடும் போராட்டம் நடைபெறும் என அனைத்து விவசாய சங்கங்களின் ஒருங்கிணைப்பு குழு தலைவர் பி.ஆர்.பாண்டியன் கூறினார்.
5. உள்நாட்டு விவசாயத்திலும், வணிகத்திலும் அன்னிய ஆதிக்கம் கூடாது வெள்ளையன் பேட்டி
உள்நாட்டு விவசாயத்திலும், உள்நாட்டு வணிகத்திலும் அன்னிய ஆதிக்கம் கூடாது என்று திருச்சி காந்தி மார்க்கெட்டை பார்வையிட்ட பின் வெள்ளையன் கூறினார்.