மாவட்ட செய்திகள்

இன்று ஆயுதபூஜை கொண்டாட்டம்: கொரோனாவால் களையிழந்த கடைவீதிகள் + "||" + Today is Armed Forces Celebration: Weeds Lost by Corona

இன்று ஆயுதபூஜை கொண்டாட்டம்: கொரோனாவால் களையிழந்த கடைவீதிகள்

இன்று ஆயுதபூஜை கொண்டாட்டம்: கொரோனாவால் களையிழந்த கடைவீதிகள்
இன்று ஆயுதபூஜை கொண்டாடப்படுவதையொட்டி தஞ்சையில் கடைவீதிகள் களையிழந்து காணப்பட்டன. பூச்சந்தை மற்றும் அவல், பொரி விற்பனை செய்யும் கடைகளில் வழக்கத்தை விட கூட்டம் அதிகமாக காணப்பட்டது.
தஞ்சாவூர்,


ஆயுதபூஜை பண்டிகை இன்று (ஞாயிற்றுக்கிழமை) கொண்டாடப்படுகிறது. ஆயுதபூஜை தினத்தன்று வீடு, கடைகள், நிறுவனங்கள், பெரிய தொழிற்சாலைகள் போன்றவற்றில் தாங்கள் பயன்படுத்தும் பொருட்கள், கருவிகளை, எந்திரங்களை சுத்தம் செய்து பூஜை செய்து படையலிட்டு கொண்டாடுவார்கள்.

இதற்காக தஞ்சை காமராஜர் மார்க்கெட், திலகர் திடல் அருகே உள்ள மாலைநேர மார்க்கெட், கீழவாசல், உழவர் சந்தை போன்ற இடங்களில் வாழைத்தார், பூசணிக்காய், வாழைக்கன்றுகள் போன்றவை விற்பனை செய்யப்படும். நேற்று இந்த இடங்களில் வாழைத்தார், பூசணிக்காய், வாழைக்கன்று, தோரணங்கள் குவித்து வைக்கப்பட்டு இருந்தன. ஆனால் மக்கள் கூட்டம் குறைவாகவே காணப்பட்டது. இதே போல் கடைவீதிகளிலும் மக்கள் கூட்டம் குறைவாகவே காணப்பட்டது.

கூட்டம் குறைவு

குறிப்பாக உழவர் சந்தைகளில் வாழைத்தார், வாழைக்கன்றுகள், பூசணிக்காய் போன்றவை குவித்து வைக்கப்பட்டு இருந்தன. ஆனால் கொரோனா அச்சம் காரணமாக மக்கள் கூட்டம் குறைவாகவே காணப்பட்டது. மேலும் ஆயுத பூஜை கொண்டாட்டத்தில் தென்னை ஓலைகளால் ஆன தோரணங்களும் முக்கிய இடத்தை பிடிக்கும். இந்த தென்னை ஓலைகளால் ஆன தோரணங்களையும் ஆங்காங்கே விற்பனைக்காக வைத்திருந்தனர்.

இதே போல தஞ்சை தற்காலிக காமராஜர் மார்க்கெட்டிலும் ஆயுதபூஜையையொட்டி வியாபாரம் குறைவாகவே காணப்பட்டது. கடைவீதிகளில் மாலைநேரத்தில் கூட்டம் சற்று அதிகமாக காணப்பட்டது. இதேபோல் தஞ்சை உழவர் சந்தையிலும் மக்கள் கூட்டம் குறைவாகவே காணப்பட்டது. அங்கு கொரோனா பரவலை தடுக்கும் வகையில் தடுப்புகள் கட்டப்பட்டு இருந்தன. வியாபாரமும் மந்தமாகவே காணப்பட்டது.

மக்கள் கூட்டம்

அவல், பொட்டுக்கடலை, பொரி விற்பனை கடைகளில் கூட்டம் அதிகமாக காணப்பட்டது. அவல் கிலோ ரூ.60-க்கும், பொட்டுக்கடலை ரூ.100-க்கும், பொரி பாக்கெட் ரூ.10-க்கும் விற்பனை செய்யப்பட்டது. இதனை மக்கள் அதிகமாக வாங்கிச்சென்றனர்.

தஞ்சை பூச்சந்தையில் வழக்கத்தை விட கூட்டம் அதிகமாக காணப்பட்டது. பூக்கள் விலையும் கடுமையாக உயர்ந்திருந்தது.

இருப்பினும் விற்பனை அதிக அளவில் காணப்பட்டது. மல்லிகைப்பூ கிலோ ரூ.1000, முல்லைப்பூ ரூ.1000, செவ்வந்தி ரூ.200, அரளி ரூ.500, கோழிக்கொண்டை ரூ.100, செண்டிப்பூ ரூ.100, சம்மங்கி ரூ.300, ஜாதிமல்லி ரூ.800, கனகாம்பரம் ரூ,.1000, மருக்கொழுந்து கட்டு ரூ.40-க்கும் விற்பனை செய்யப்பட்டது.

தொடர்புடைய செய்திகள்

1. நேதாஜியின் 125வது பிறந்த தின கொண்டாட்டம்; கொல்கத்தாவுக்கு வருகை தந்த பிரதமர் மோடி
நேதாஜி சுபாஷ் சந்திர போஸ் அவர்களின் 125வது பிறந்த தின கொண்டாட்டத்தில் கலந்து கொள்ள பிரதமர் மோடி கொல்கத்தாவுக்கு வருகை தந்துள்ளார்.
2. திண்டுக்கல் மாவட்டம் முழுவதும் எம்.ஜி.ஆர். பிறந்தநாள் கொண்டாட்டம்
திண்டுக்கல் மாவட்டம் முழுவதும் நேற்று அ.தி.மு.க.வினர் எம்.ஜி.ஆர். பிறந்தநாளை கொண்டாடினார்கள்.
3. ஊத்தங்கரையில், காங்கிரஸ் கட்சி பொதுச்செயலாளர் பிரியங்கா காந்தி பிறந்தநாள் கொண்டாட்டம்
காங்கிரஸ் கட்சியின் தேசிய பொதுச்செயலாளர் பிரியங்கா காந்தி மற்றும் கிருஷ்ணகிரி தொகுதி எம்.பி. டாக்டர் செல்லக்குமார் ஆகியோரின் பிறந்த நாள் விழா, ஊத்தங்கரை வட்டார காங்கிரஸ் கட்சி சார்பில் கொண்டாடப்பட்டது.
4. ‘குடியரசு தினவிழா கொண்டாட்டத்தை ரத்து செய்ய வேண்டும்’ - சசி தரூர் யோசனை
குடியரசு தினவிழா கொண்டாட்டத்தை ரத்து செய்ய வேண்டும் என்று சசி தரூர் யோசனை தெரிவித்துள்ளார்.
5. கிறிஸ்துமஸ் கொண்டாட்டம்
அமலாபால் வருடம் தோறும் கிறிஸ்துமஸ் பண்டிகையை நண்பர்கள் மற்றும் தோழிகளுடன் ஏதாவது ஒரு நட்சத்திர ஓட்டலில் கொண்டாடுவார்.