<
திருப்பூர் மாவட்டத்தில் மேலும் 85 பேருக்கு கொரோனா 114 பேர் குணமடைந்தனர்
திருப்பூர் மாவட்டத்தில் மேலும் 85 பேருக்கு தொற்று ஏற்பட்டுள்ளது. 114 பேர் குணமடைந்து வீடு திரும்பினர்.
திருப்பூர்,
கடந்த சில நாட்களான கொரோனா வைரசின் பாதிப்பு குறைந்து வருகிறது. இதனால் பாதிக்கப்பட்டவர்களின் எண்ணிக்கையும் மெல்ல மெல்ல சரிகிறது. திருப்பூர் மாவட்டத்தில் கொரோனாவால் பாதிக்கப்பட்டவர்கள் எண்ணிக்கை சராசரியாக நாளொன்றுக்கு 100 என்ற அளவில் இருந்து வருகிறது.
இந்த நிலையில் நேற்று 85 பேருக்கு கொரோனா தொற்று ஏற்பட்டுள்ளது. இவர்கள் அனைவரும் திருப்பூர் மற்றும் கோவையில் உள்ள அரசு ஆஸ்பத்திரிக்கு அனுப்பி வைக்கப்பட்டுள்ளனர். அங்கு அவர்களுக்கு சிகிச்சை அளிக்கப்பட்டு வருகிறது. இதனால் இதுவரை மாவட்டத்தில் பாதிக்கப்பட்டவர்களின் எண்ணிக்கை 12 ஆயிரத்து 837 ஆக உயர்ந்துள்ளது.
114 பேர் குணமடைந்தனர்
அதுபோல் கொரோனாவால் பாதிக்கப்பட்டு சிகிச்சை பெறுபவர்கள் வேகமாக குணமடைந்து வருகிறார்கள். நேற்று 114 பேர் குணமடைந்து வீடு திரும்பியுள்ளனர். இதுவரை மொத்தம் 11 ஆயிரத்து 683 பேர் குணம் அடைந்து இருக்கிறார்கள். தற்போது 960 பேர் மருத்துவமனையில் சிகிச்சையில் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
