மணப்பாட்டில் மீனவர்கள் கருப்புக்கொடி ஏற்றி போராட்டம்

உடன்குடி, 

தூத்துக்குடி மாவட்டம் குலசேகரன்பட்டினத்தில் ராக்கெட் ஏவுதளம் அமைப்பதற்கு எதிர்ப்பு தெரிவித்தும், உடன்குடியில் அனல்மின் நிலையம், கல்லாமொழியில் நிலக்கரி இறங்குதளம் அமைக்கும் பணிகளை கைவிட வலியுறுத்தியும், மணப்பாடு மீனவர்கள் கடந்த 2-ந்தேதியில் இருந்து கடலில் மீன்பிடிக்க செல்லாமல் காலவரையற்ற வேலைநிறுத்த போராட்டத்தில் ஈடுபட்டு வருகின்றனர்.

10-வது நாளாக நேற்று வேலைநிறுத்தத்தில் ஈடுபட்ட மீனவர்கள் கடற்கரையில் நிறுத்தப்பட்டு இருந்த நாட்டுப்படகுகள் மற்றும் தங்களது வீடுகள், தெருக்களில் கருப்புக்கொடி ஏற்றி போராட்டத்தில் ஈடுபட்டனர். மேலும் முதல்-அமைச்சரின் தூத்துக்குடி வருகைக்கு எதிர்ப்பு தெரிவித்தும் போராட்டத்தில் ஈடுபட்டதாக மீனவர்கள் தெரிவித்தனர்.