மாவட்ட செய்திகள்

பிரதமர் மோடி குறித்து அவதூறு: பா.ஜ.க.வினர் சாலை மறியல் + "||" + Slander against Prime Minister Modi: BJP roadblock

பிரதமர் மோடி குறித்து அவதூறு: பா.ஜ.க.வினர் சாலை மறியல்

பிரதமர் மோடி குறித்து அவதூறு: பா.ஜ.க.வினர் சாலை மறியல்
பிரதமர் மோடி குறித்து அவதூறு: பா.ஜ.க.வினர் சாலை மறியல் 5 பெண்கள் உள்பட 25 பேர் கைது.
கரூர், 

கரூர்-திண்டுக்கல் சாலையில் உள்ள ஒரு சுவரில் கடந்த சில தினங்களுக்கு முன்பு பிரதமர் மோடி குறித்து அவதூறு பரப்பிய தி.மு.க.வினர் மீது நடவடிக்கை எடுக்க வேண்டும் என பா.ஜ.க.வினர் கரூர் டவுன் போலீஸ் நிலையத்தில் மனு அளித்தனர்.

அதன்பேரில் போலீசார் தி.மு.க.வினர் மீது வழக்குப்பதிவு செய்துள்ளனர். இந்நிலையில் கரூர்- திண்டுக்கல் சாலையில் உள்ள ஒரு சுவரில் பிரதமர் மோடி குறித்து எழுதப்பட்டிருந்த வாசகத்தை பா.ஜ.க.வினர் நேற்று அழிக்கும் முயற்சியில் ஈடுபட்டனர். இதனால் அங்கு பரபரப்பு ஏற்பட்டதால் போலீசார் குவிக்கப்பட்டனர். இதைத்தொடர்ந்து கரூர் வெங்கமேட்டிலும் பிரதமர் குறித்து எழுதப்பட்டிருந்த வாசகத்தை பா.ஜ.க.வினர் பெயிண்ட் கொண்டு அழித்தனர். இதேபோன்று பல்வேறு இடங்களில் பிரதமர் குறித்து எழுதப்பட்டிருந்ததை கண்டித்தும், தி.மு.க.வினரை கைது செய்ய வலியுறுத்தியும் மாவட்ட தொழிற்சங்க பிரிவு தலைவர் செல்வராஜ் தலைமையில், மாவட்ட இளைஞரணி தலைவர் கணேசமூர்த்தி உள்பட ஏராளமான பா.ஜ.க.வினர் வெங்கமேடு சாலையில் அமர்ந்து மறியலில் ஈடுபட்டனர்.

அப்போது அங்கு வந்த போலீசார் அவர்களிடம் சாலை மறியலை கைவிடுமாறு கூறினர். ஆனால் அவர்கள் தொடர்ந்து சாலை மறியலில் ஈடுபட்டதால், 5 பெண்கள் உள்பட 25 பேரை கைது செய்து போலீஸ் வேனில் அழைத்து சென்றனர்.

இந்த சம்பவம் கரூரில் நேற்று பெரும் பரபரப்பை ஏற்படுத்தியது.

தொடர்புடைய செய்திகள்

1. தஞ்சை கலெக்டர் அலுவலகம் முன்பு மாற்றுத்திறனாளிகள் மறியல்; 231 பேர் கைது
தஞ்சை கலெக்டர் அலுவலகம் முன்பு மறியலில் ஈடுபட்ட மாற்றுத்திறனாளிகள் 231 பேர் கைது செய்யப்பட்டனர்.
2. டெல்லியில் போராடும் விவசாயிகளுக்கு ஆதரவாக திருச்சியில் ரெயில் மறியல், முற்றுகை போராட்டம்
டெல்லியில் போராடும் விவசாயிகளுக்கு ஆதரவாக திருச்சியில் ரெயில் மறியல் மற்றும் முற்றுகை போராட்டம் நடைபெற்றது.
3. பா.ம.க. போராட்டம் அறிவிப்பு: முன்னெச்சரிக்கையாக 254 பேர் கைது போலீசை கண்டித்து சாலை மறியல்
வன்னியர்களுக்கு 20 சதவீத இடஒதுக்கீடு வழங்கக்கோரி சென்னையில் பா.ம.க.வினர் போராட்டத்தில் ஈடுபட்டனர். இதையொட்டி முன்னெச்சரிக்கை நடவடிக்கையாக கடலூர் மாவட்டத்தில் பா.ம.க.வினர் 254 பேர் கைது செய்யப்பட்டனர். இந்நிலையில் விருத்தாசலத்தில் போலீசை கண்டித்து பா.ம.க.வினர் மறியலில் ஈடுபட்டனர்.
4. விதிமுறை மீறி குடிநீர் உறிஞ்சுவோரை கண்டித்து காலி குடங்களுடன் பொதுமக்கள் திரண்டதால் பரபரப்பு
உளுந்தூர்பேட்டை அருகே விதிமுறை மீறி குடிநீர் உறிஞ்சுவோரை கண்டித்து காலி குடங்களுடன் பொதுமக்கள் திரண்டதால் பரபரப்பு ஏற்பட்டது. இதையடுத்து குடிநீர் உறிஞ்ச பயன்படுத்திய 20 மின் மோட்டார்களை அதிகாரிகள் பறிமுதல் செய்தனர்.
5. டெல்லியில் விவசாயிகள் தாக்கப்பட்டதை கண்டித்து மார்க்சிஸ்ட் கம்யூனிஸ்டு கட்சியினர் சாலை மறியல்
டெல்லியில் விவசாயிகள் தாக்கப்பட்டதை கண்டித்து நாகை, கிழையூரில் சாலை மறியலில் ஈடுபட்ட மார்க்சிஸ்ட் கம்யூனிஸ்டு கட்சியினர் 78 பேரை போலீசார் கைது செய்தனர்.

அதிகம் வாசிக்கப்பட்டவை