<
ஓமந்தூரார் அரசு ஆஸ்பத்திரியில் 4-வது மாடியில் இருந்து குதித்து கொரோனா நோயாளி தற்கொலை
ஓமந்தூரார் அரசு ஆஸ்பத்திரியில் 4-வது மாடியில் இருந்து குதித்து கொரோனா நோயாளி தற்கொலை செய்துகொண்டார்.
சென்னை,
சென்னை வளசரவாக்கத்தைச் சேர்ந்தவர் சந்திரசேகர் (வயது 54). கொரோனாவால் பாதிக்கப்பட்ட இவர், சென்னை ஓமந்தூரார் அரசு மருத்துவ கல்லூரி மருத்துவமனையில் கடந்த சில நாட்களுக்கு முன்பு அனுமதிக்கப்பட்டு சிகிச்சை பெற்று வந்தார்.
நேற்று காலை அவரை காணவில்லை. இதனால் அதிர்ச்சி அடைந்த அவருடைய மனைவி மற்றும் டாக்டர்கள் ஆஸ்பத்திரி முழுவதும் அவரை தேடிக்கொண்டிருந்தனர்.
அப்போது ஆஸ்பத்திரி கட்டிடத்தின் 4-வது மாடியின் பின்பகுதியில் இருந்து கீழே குதித்து சந்திரசேகர் தற்கொலை செய்துகொண்டது தெரியவந்தது.
இந்த சம்பவம் குறித்து திருவல்லிக்கேணி போலீசார் வழக்குப்பதிவு செய்து விசாரணை நடத்தினர்.
முதல்கட்ட விசாரணையில் சிகிச்சையால் ஏற்பட்ட மனஅழுத்தம் காரணமாக அவர், தற்கொலை செய்து கொண்டதாக போலீசார் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
