நெல்லையில் புதிதாக 28 பேருக்கு கொரோனா தென்காசி, தூத்துக்குடியில் 14 பேர் பாதிப்பு

நெல்லை, 

நெல்லை மாவட்டத்தில் நேற்று புதிதாக 28 பேருக்கு கொரோனா தொற்று உறுதி செய்யப்பட்டுள்ளது. இதில் நெல்லை மாநகர பகுதியில் 11 பேர், அம்பையில் 2 பேர், மானூரில் 2 பேர், பாளையங்கோட்டை புறநகர் பகுதியில் 5 பேர், பாப்பாக்குடியில் 2 பேர், வள்ளியூரில் 2 பேர், களக்காட்டில் 2 பேர், சேரன்மாதேவியில் 2 பேர் அடங்குவார்கள். நேற்று ஒரே நாளில் 14 பேர் சிகிச்சை முடிந்து வீடு திரும்பியுள்ளனர்.

கொரோனா பாதிக்கப்பட்டவர்கள் பாளையங்கோட்டை அரசு ஆஸ்பத்திரி மற்றும் தனியார் ஆஸ்பத்திரியில் சிகிச்சை பெற்று வருகிறார்கள். நேற்றுடன் கொரோனா பாதிக்கப்பட்டவர்களில் எண்ணிக்கை 14,855-ஆக அதிகரித்துள்ளது. இவர்களில் 14,505 பேர் சிகிச்சை முடிந்து வீடு திரும்பியுள்ளனர். 140 பேர் சிகிச்சை பெற்று வருகிறார்கள். 210 பேர் இறந்துள்ளனர்.

தென்காசி மாவட்டத்தில் நேற்று 5 பேருக்கு தொற்று உறுதி செய்யப்பட்டுள்ளது. இதுவரை 8 ஆயிரத்து 82 பேர் கொரோனாவால் பாதிக்கப்பட்டுள்ளனர். இதில் சிகிச்சை முடிந்து 7,833 பேர் வீடு திரும்பி உள்ளனர். 94 பேர் சிகிச்சை பெற்று வருகிறார்கள். 155 பேர் இறந்துள்ளனர்.

தூத்துக்குடி மாவட்டத்தில் நேற்று 9 பேர் கொரோனாவால் பாதிக்கப்பட்டு உள்ளனர். இதனால் மாவட்டத்தில் பாதிக்கப்பட்டவர்களின் எண்ணிக்கை 15,688-ஆக உள்ளது. இதில் 15,431 பேர் முழுமையாக குணமடைந்து வீடு திரும்பி உள்ளனர். தற்போது அரசு ஆஸ்பத்திரிகள் மற்றும் வீடுகளில் 121 பேர் தொடர்ந்து சிகிச்சை பெற்று வருகின்றனர். மாவட்டத்தில் இதுவரை 136 பேர் கொரோனா பாதிப்பு காரணமாக இறந்து உள்ளனர்.