அரியலூரில் 4 பேருக்கு கொரோனா தொற்று பெரம்பலூரில் பாதிப்பு இல்லை

பெரம்பலூர்,

அரியலூர் மாவட்டத்தில் நேற்று ஆண்டிமடம் ஊராட்சி ஒன்றியத்துக்கு உட்பட்ட பகுதியிலும், அரியலூர் நகராட்சிக்கு உட்பட்ட பகுதியிலும் தலா ஒருவருக்கும், வெளி மாவட்டங்களை சேர்ந்தவர்களில் 2 பேருக்கும் என மொத்தம் 4 பேர் கொரோனா பாதிப்புக்கு உள்ளாகியுள்ளனர். இதனால் மாவட்டத்தில் பாதிக்கப்பட்டவர்களின் எண்ணிக்கை 4,582 ஆக உயர்ந்துள்ளது. ஏற்கனவே கொரோனாவிற்கு மாவட்டத்தில் 48 பேர் உயிரிழந்துள்ளனர். மேலும் பல்வேறு மருத்துவமனைகளில் கொரோனாவிற்கு தற்போது 80 பேர் சிகிச்சை பெற்று வருகின்றனர். மாவட்டத்தில் மொத்தம் 4,454 பேர் சிகிச்சை பெற்று வீடு திரும்பியுள்ளனர். 392 பேருக்கு கொரோனா மருத்துவ பரிசோதனை முடிவுகள் வரவேண்டியுள்ளது.

இதேபோல் பெரம்பலூர் மாவட்டத்தில் நேற்று யாரும் புதிதாக கொரோனாவினால் பாதிக்கப்படவில்லை. ஏற்கனவே மாவட்டத்தில் 2,246 பேர் கொரோனாவினால் பாதிக்கப்பட்டுள்ளனர். அதில், ஏற்கனவே 21 பேர் கொரோனாவிற்கு உயிரிழந்துள்ளனர். மேலும் மருத்துவமனைகளில் இருந்து இதுவரைக்கும் 2,221 பேர் டிஸ்சார்ஜ் ஆகிய நிலையில், 4 பேர் மட்டுமே மருத்துவமனைகளில் சிகிச்சை பெற்று வருகின்றனர். மேலும் 360 பேருக்கு கொரோனா மருத்துவ பரிசோதனை செய்யப்பட்டுள்ளது.