மாவட்ட செய்திகள்

கறம்பக்குடி, அறந்தாங்கி, நெடுவாசல் பகுதிகளில் மழையினால் நெற் பயிர்கள் தண்ணீரில் மூழ்கின + "||" + Paddy crops in Karambakudy, Aranthangi and Neduvasal areas were submerged due to rains

கறம்பக்குடி, அறந்தாங்கி, நெடுவாசல் பகுதிகளில் மழையினால் நெற் பயிர்கள் தண்ணீரில் மூழ்கின

கறம்பக்குடி, அறந்தாங்கி, நெடுவாசல் பகுதிகளில் மழையினால் நெற் பயிர்கள் தண்ணீரில் மூழ்கின
கறம்பக்குடி, அறந்தாங்கி, நெடுவாசல் பகுதிகளில் தொடர் மழையினால் நெற் பயிர்கள் தண்ணீரில் மூழ்கின.
வடகாடு,

புதுக்கோட்டை மாவட்டம், வடகாடு அருகே உள்ள நெடுவாசல் கீழ்பாதி, மேல்பாதி பகுதிகளில் புரெவி புயல் காரணமாக, பெய்த மழையால் நெற் பயிர்கள் சேதமடைந்து வீணாக போய் உள்ளது. இப்பகுதிகளில் குறுவை சம்பா நெல் சாகுபடி சுமார் பல ஏக்கர் பரப்பளவில் சாகுபடி செய்துள்ளனர்.


ஏற்கனவே நெடுவாசல் பகுதிகளில் ஹைட்ரோ கார்பன் பிரச்சினை, அதற்கு அடுத்து கஜா புயல், தற்போது புரெவி புயலால் இப்பகுதிகளில் பெய்து வரும் தொடர் மழையால் நெற்பயிர்கள் தண்ணீரில் மூழ்கின. மேலும் இதனால் விவசாயிகள் கவலை அடைந்துள்ளனர். இதனால் அரசு வேளாண் துறை மூலமாக பார்வையிட்டு உரிய இழப்பீடு வழங்க வேண்டும் என்றும் விவசாயிகள் கோரிக்கை விடுத்துள்ளனர்.

இழப்பீடு வழங்க வேண்டும்

மேலும் கடந்த முறை கஜா புயலின் போது ஏற்பட்ட சேதங்களுக்கு கூட தங்களுக்கு உரிய இழப்பீடு வழங்க வில்லை என்றும், இந்த முறையாவது முறையாக சேதமடைந்த நெற்பயிர்களுக்கு இழப்பீடு வழங்க வேண்டும் என்றும் பயிர் காப்பீடு செய்துள்ளதாகவும் எனவே மழையால் சேதமடைந்துள்ள பயிர்களை பார்வையிட்டு உரிய இழப்பீடு வழங்க வேண்டும் என்றும் விவசாயிகள் கோரிக்கை விடுத்துள்ளனர்.

அறந்தாங்கி

அறந்தாங்கியில் புரெவி புயலால் கடந்த 3 தினங்களாக காற்றுடன் கூடிய தொடர் மழை பெய்தது. இதனால் அறந்தாங்கி அருகே விஜயபுரத்தில் பயிரிட்டு நெற் கதிர்கள் தண்ணீரில் மூழ்கி உள்ளன.

இதனால் விவசாயிகள் கவலையடைந்துள்ளனர். மேலும் அதிகாரிகள் பயிர்களை பார்வையிட்டு உரிய இழப்பீடு வழங்க வேண்டும் என விவசாயிகள் கோரிக்கை விடுத்துள்ளனர்.

இதற்கிடையில் மழையினால் நெற் பயிர்கள் சேதம் குறித்து வேளாண்மைதுறை அதிகாரிகள் ஆய்வு மேற் கொண்டுள்ளனர்.

கறம்பக்குடி

கறம்பக்குடி அருகே உள்ள பல்லவராயன்பத்தை கிராமத்தில் பெய்த கன மழையால் விளைந்த நெற் கதிர்களை நீரில் மூழ்கி சேதமடைந்துள்ளது. இதனால் விவசாயிகள் கவலையுடன் இழப்பீடு வழங்க வேண்டும் என்று கோரிக்கை விடுத்துள்ளனர்.

தொடர்புடைய செய்திகள்

1. அன்னவாசல், இலுப்பூர் பகுதிகளில் மழையினால் நெற்பயிர்கள் நீரில் மூழ்கின இழப்பீடு வழங்க விவசாயிகள் கோரிக்கை
தொடர் மழையினால் அன்னவாசல், இலுப்பூர் பகுதிகளில் நெற்பயிர்கள் நீரில் மூழ்கின. இதற்கு இழப்பீடு வழங்க விவசாயிகள் கோரிக்கை விடுத்துள்ளனர்.
2. நாகை மாவட்டத்தில் 4-வது நாளாக கன மழை: மல்லியனாற்றின் கரை உடைந்து 300 ஏக்கர் நெற்பயிர்கள் மூழ்கின
நாகை மாவட்டத்தில் 4-வது நாளாக கன மழை பெய்தது. இதனால் மல்லியனாற்றின் கரை உடைந்து 300 ஏக்கர் நெற்பயிர்கள் தண்ணீரில் மூழ்கின. நாகூர் தர்கா குளத்தின் சுற்றுச்சுவர் இடிந்து விழுந்தது
3. டெல்டாவில், 2 நாட்களாக இடைவிடாது கொட்டி தீர்த்த கனமழை ஆயிரக்கணக்கான ஏக்கர் பயிர்கள் தண்ணீரில் மூழ்கின
டெல்டாவில், 2 நாட்களாக இடைவிடாது கனமழை கொட்டி தீர்த்து வருகிறது. தொடர்ந்து பெய்து வரும் இந்த மழையினால் பொதுமக்கள் வெளியே செல்ல முடியாமல் வீடுகளுக்குள்ளேயே முடங்கி கிடக்கிறார்கள். இதன் காரணமாக சாலைகளில் ஆட்கள் நடமாட்டம் இல்லாமலும், வாகன போக்குவரத்து இல்லாமலும் சாலைகள் வெறிச்சோடி காணப்படுகிறது.
4. ‘புரெவி’ புயல் காரணமாக நாகை மாவட்டத்தில் கடல் கடும் சீற்றம்; 4 படகுகள் தண்ணீரில் மூழ்கின
‘புரெவி’ புயல் காரணமாக நாகை மாவட்டத்தில் நேற்று கடல் கடும் சீற்றத்துடன் காணப்பட்டது. இதனால் நாகை கடுவையாற்றில் நிறுத்தி வைக்கப்பட்டு இருந்த 4 படகுகள் தண்ணீரில் மூழ்கின.
5. கிருஷ்ணாபுரம் அணையில் இருந்து தண்ணீர் திறப்பு தரைப்பாலங்கள் வெள்ளத்தில் மூழ்கின
கிருஷ்ணாபுரம் அணையில் இருந்து தண்ணீர் திறக்கப்பட்டது. இதனால் தரைப்பாலங்கள் தண்ணீரில் மூழ்கின.