மாவட்ட செய்திகள்

வீட்டை கிரயம் செய்து கொடுப்பதாக கூறி காவலாளியிடம் ரூ.19 லட்சம் மோசடி பெண் கைது + "||" + Woman arrested for defrauding police of Rs 19 lakh

வீட்டை கிரயம் செய்து கொடுப்பதாக கூறி காவலாளியிடம் ரூ.19 லட்சம் மோசடி பெண் கைது

வீட்டை கிரயம் செய்து கொடுப்பதாக கூறி காவலாளியிடம் ரூ.19 லட்சம் மோசடி பெண் கைது
கடலூரில் வீட்டை கிரயம் செய்து கொடுப்பதாக கூறி காவலாளியிடம் ரூ.19 லட்சம் பெற்று மோசடியில் ஈடுபட்ட பெண்ணை போலீசார் கைது செய்தனர்.
கடலூர்,

கடலூர் கோண்டூரை சேர்ந்தவர் விவேக் (வயது 53) . இவர் தனியார் தொழிற்பயிற்சி நிலையத்தில் காவலாளியாக வேலை பார்த்து வருகிறார். இந்த நிலையில் விவேக், சம்பவத்தன்று கடலூர் மாவட்ட போலீஸ் சூப்பிரண்டு ஸ்ரீஅபிநவ்விடம் புகார் மனு ஒன்றை அளித்தார். அந்த மனுவில் கூறப்பட்டுள்ளதாவது:-


கடலூர் கோண்டூர் வி.ஐ.பி. நகரை சேர்ந்த முனிராபேகம் (42) என்பவர் தனது வீட்டை விற்க போவதாக, புரோக்கர்களான வில்வநகரை சேர்ந்த ஜானகிராமன், எஸ்.என்.சாவடியை சேர்ந்த துரைசாமி ஆகியோர் மூலம் என்னை தொடர்பு கொண்டார்.

ரூ.19 லட்சம்

அப்போது ரூ.48 லட்சம் கொடுத்தால் வீட்டை கிரயம் செய்து கொடுப்பதாக கூறினர். இதனை நம்பிய நான் பல தவணைகளாக ரூ.19 லட்சத்து 15 ஆயிரத்தை கொடுத்தேன். பணத்தை பெற்றுக்கொண்ட முனிராபேகம், தனது வீட்டை எனக்கு கிரயம் செய்து கொடுக்காமல் காலம் தாழ்த்தி வந்தார்.

இந்த நிலையில் முனிராபேகம், ஜானகிராமன், துரைசாமி ஆகியோருடன் சேர்ந்து அவரது வீட்டை வேறு ஒருவருக்கு கிரயம் செய்து கொடுத்துவிட்டார். இதுபற்றி கேட்டதற்கு அவர்கள் கொலை மிரட்டல் விடுத்து வருகின்றனர். இதனால் அவர்கள் மீது நடவடிக்கை எடுக்க வேண்டும் என கூறப்பட்டிருந்தது. மனுவை பெற்றுக்கொண்ட போலீஸ் சூப்பிரண்டு, அதன் மீது நடவடிக்கை எடுக்கும்படி குற்றப்பிரிவு போலீசாருக்கு உத்தரவிட்டார்.

பெண் கைது

அதன் பேரில் மாவட்ட குற்றப்பிரிவு சப்-இன்ஸ்பெக்டர் அன்பழகன் தலைமையிலான போலீசார் விசாரணை நடத்தினர். விசாரணையில் முனிராபேகம் தனது வீட்டை கிரயம் செய்து கொடுப்பதாக கூறி ஜானகிராமன், துரைசாமி ஆகியோருடன் சேர்ந்து விவேக்கிடம் ரூ.19 லட்சத்து 15 ஆயிரம் பெற்று மோசடியில் ஈடுபட்டது தெரியவந்தது. இதையடுத்து போலீசார் வழக்குப்பதிவு செய்து தஞ்சாவூரில் உள்ள தனது பெற்றோர் வீட்டில் பதுங்கி இருந்த முனிராபேகத்தை கைது செய்து, கடலூர் மத்திய சிறையில் அடைத்தனர். மேலும் தலைமறைவாக உள்ள ஜானகிராமன், துரைசாமி ஆகியோரை தேடி வருகின்றனர்.

தொடர்புடைய செய்திகள்

1. 2 ஆண்டுகளாக தலைமறைவு: சிறுமி பாலியல் வழக்கில் தேடப்பட்ட வாலிபர் கைது
14 வயதுடைய சிறுமியை 2 ஆண்டுகளுக்கு முன்னர் பாலியல் பலாத்காரம் செய்து தப்பிய வழக்கில், துபாயில் இருந்து திருச்சி விமான நிலையத்துக்கு தங்கம் கடத்தி வந்த போது பிடிபட்டார்.
2. ஏ.டி.எம்.மில் பணம் எடுப்பது போல் நாடகமாடி, விவசாயியிடம் ரூ.40 ஆயிரம் நூதன திருட்டு; வாலிபர் கைது
ஏ.டி.எம்.மில் பணம் எடுப்பது போல் நாடகமாடி விவசாயியிடம் ரூ.40 ஆயிரம் நூதன முறையில் திருடப்பட்டது.
3. நூதன முறையில் 3.46 கிலோ தங்கம் கடத்தல்; துபாயில் இருந்து தமிழகம் வந்த 5 பேர் கைது
துபாயில் இருந்து தமிழகம் வந்த 5 பேரிடம் இருந்து ரூ.1.75 கோடி மதிப்பிலான 3.46 கிலோ கடத்தல் தங்கம் பிடிபட்டது.
4. மனைவியை ஆஸ்பத்திரிக்கு அழைத்து செல்வதாக கூறி உரிமையாளர் காருடன் மாயமான கடை ஊழியர் கைது
கோபி அருகே மனைவியை ஆஸ்பத்திரிக்கு அழைத்து செல்வதாக கூறி கடை உரிமையாளர் காருடன் மாயமான ஊழியரை போலீசார் கைது செய்தனர்.
5. காஞ்சீபுரத்தில் திருமணமான 2 ஆண்டில் இளம்பெண் தீக்குளித்து தற்கொலை; கணவர் கைது
திருமணமான 2 ஆண்டில் இளம்பெண் மண்எண்ணெய் ஊற்றி தீக்குளித்து தற்கொலை செய்து கொண்ட சம்பவத்தில் கணவர் கைது செய்யப்பட்டார்.