மாவட்ட செய்திகள்

அனைவருக்கும் பொங்கல் பரிசு தொகுப்பு வழங்க கோரி திருவோடு ஏந்தி பிச்சை எடுக்கும் போராட்டத்தில் ஈடுபட்ட தொழிலாளர்கள் + "||" + Workers engaged in a begging struggle to carry a Pongal gift package for all

அனைவருக்கும் பொங்கல் பரிசு தொகுப்பு வழங்க கோரி திருவோடு ஏந்தி பிச்சை எடுக்கும் போராட்டத்தில் ஈடுபட்ட தொழிலாளர்கள்

அனைவருக்கும் பொங்கல் பரிசு தொகுப்பு வழங்க கோரி திருவோடு ஏந்தி பிச்சை எடுக்கும் போராட்டத்தில் ஈடுபட்ட தொழிலாளர்கள்
அனைத்து தொழிலாளர்களுக்கும் பொங்கல் பரிசு தொகுப்பு வழங்க கோரி திருவோடு ஏந்தி பிச்சை எடுக்கும் போராட்டத்தில் தொழிலாளர்கள் ஈடுபட்டனர்.
பெரம்பலூர்,

தமிழக அரசின் உத்தரவின்படி, தமிழ்நாடு கட்டுமான தொழிலாளர்கள் நல வாரியத்தில் பதிவு பெற்ற பெரம்பலூர் மாவட்ட கட்டுமான தொழிலாளர்கள் மற்றும் ஓய்வூதியதாரர்களுக்கு பொங்கல் பரிசு தொகுப்பு வழங்கப்பட்டு வருகிறது. இந்நிலையில் கட்டுமான தொழிலாளர்களின் நல வாரியங்களை தவிர்த்து மற்ற 16 வாரியங்களில் பதிவு பெற்ற அனைத்து வகையான அமைப்பு சாரா தொழிலாளர்களுக்கும் பொங்கல் பரிசு தொகுப்பு வழங்க கோரி, தமிழ்நாடு கட்டுமானம் மற்றும் அமைப்பு சாரா தொழிலாளர்கள் மக்கள் முன்னேற்ற சங்கத்தினர் நேற்று பெரம்பலூர் பாலக்கரை ரவுண்டானா அருகே நூதன போராட்டமாக கையில் திருவோடு ஏந்தி பிச்சை எடுக்கும் போராட்டத்தில் ஈடுபட்டனர்.


பொதுமக்களிடம் பிச்சை எடுத்தனர்

போராட்டத்திற்கு அச்சங்கத்தின் தலைவர் ஈஸ்வரன் தலைமை தாங்கினார். இதில் கலந்து கொண்டவர்கள், அனைத்து தொழிலாளர்களுக்கும் பொங்கல் பரிசு தொகுப்பை தமிழக அரசு வழங்க வேண்டும். நலவாரியத்தில் பதிவு செய்துள்ள கட்டுமான தொழிலாளர்களை முறையாக கணக்கெடுக்காமல் இருட்டடிப்பு செய்த தொழிலாளர் நலத்துறை அமைச்சர் பதவி விலக வேண்டும். சம்பந்தப்பட்ட அதிகாரிகளை பணியிடை நீக்கம் செய்ய வேண்டும். தொழிலாளர்களுக்கு கொரோனா நிவாரண தொகையாக மத்திய அரசு ரூ.7 ஆயிரத்து 500-ம், மாநில அரசு ரூ.2 ஆயிரமும் வழங்க வேண்டும்.

நலவாரியத்தில் ஆன்லைன் மூலம் தொழிலாளர்களை பதிவு செய்யும் முறையை கைவிட வேண்டும் என்பது உள்ளிட்ட பல்வேறு கோரிக்கைகளை வலியுறுத்தி கோஷங்களை எழுப்பினர். இதையடுத்து தொழிலாளர்கள் கையில் திருவோடு ஏந்தி பொதுமக்களிடம் பிச்சை எடுத்தனர். பின்னர் அவர்கள் கோரிக்கைகள் அடங்கிய மனுவினை பெரம்பலூர் கலெக்டர் அலுவலகத்தில் கொடுத்தனர்.

தொடர்புடைய செய்திகள்

1. பொங்கல் பண்டிகை முடிந்ததால் வெளியூர் செல்ல குவிந்த மக்கள்; பஸ்களில் கூட்டம் அலைமோதியது
பொங்கல் பண்டிகை முடிந்ததால் வெளியூர் செல்ல மக்கள் குவிந்ததால் பஸ்களில் கூட்டம் அலைமோதியது.
2. சேலம் மாவட்டத்தில் 3 இடங்களில் பொங்கல் பண்டிகையையொட்டி எருதாட்டம்
சேலம் மாவட்டத்தில் 3 இடங்களில் பொங்கல் பண்டிகையையொட்டி எருதாட்டம் நடந்தது.
3. பொங்கல் பண்டிகை முடிந்து 70 ஆயிரம் வாகனங்களில் சென்னைக்கு சென்றனர் உளுந்தூர்பேட்டை, விக்கிரவாண்டி சுங்கச்சாவடியில் கடும் போக்குவரத்து நெரிசல்
பொங்கல் பண்டிகை முடிந்து 70 ஆயிரம் வாகனங்களில் ஏராளமானோர் சென்னைக்கு திரும்பியதால் உளுந்தூர்பேட்டை, விக்கிரவாண்டி சுங்கச்சாவடியில் கடும் போக்குவரத்து நெரிசல் ஏற்பட்டது.
4. கடலூரில் பொங்கல் பொருட்கள் வாங்க குவிந்த பொதுமக்கள்
கடலூரில் பொங்கல் பொருட்கள் வாங்க பொதுமக்கள் கூட்டம் அலைமோதியது.
5. ஐ.வி.டி.பி. மகளிர் சுய உதவிக்குழுவில் பணியாற்றும் 420 பணியாளர்களுக்கு ரூ.2 லட்சம் பொங்கல் பரிசு தொகுப்பு
ஐ.வி.டி.பி. தன்னார்வ தொண்டு நிறுவனம் கிருஷ்ணகிரி, தர்மபுரி, திருப்பத்தூர் மற்றும் வேலூர் மாவட்டங்களில் மகளிர் சுய உதவிக்குழுக்களை அமைத்து கிராமப்புற ஏழை மகளிரை முன்னேற்றும் பணியை மேற்கொண்டு வருகிறது.