மாவட்ட செய்திகள்

துமகூரு அருகே சம்பவம் துப்பாக்கி குண்டு பாய்ந்து பெண் சாவு கணவர் சுட்டுக் கொன்றாரா?- போலீஸ் தீவிர விசாரணை + "||" + Was the husband shot dead by a woman in an incident near Tumkur? - Police intensive investigation

துமகூரு அருகே சம்பவம் துப்பாக்கி குண்டு பாய்ந்து பெண் சாவு கணவர் சுட்டுக் கொன்றாரா?- போலீஸ் தீவிர விசாரணை

துமகூரு அருகே சம்பவம் துப்பாக்கி குண்டு பாய்ந்து பெண் சாவு கணவர் சுட்டுக் கொன்றாரா?- போலீஸ் தீவிர விசாரணை
துமகூரு அருகே துப்பாக்கி குண்டு பாய்ந்து பெண் உயிர் இழந்தார். அவரை, கணவர் சுட்டுக் கொன்றாரா? என போலீசார் தீவிர விசாரணை நடத்தி வருகின்றனர்.
பெங்களூரு, 

துமகூரு மாவட்டம் கெப்பூரு போலீஸ் எல்லைக்கு உட்பட்ட டி.கொரட்டகெரே கிராமத்தை சேர்ந்தவர் கிருஷ்ணப்பா (வயது 36). இவரது மனைவி சாரதா (32). இந்த தம்பதிக்கு 2 குழந்தைகள் உள்ளனர். கிருஷ்ணப்பாவும், சாரதாவும் காதலித்து திருமணம் செய்திருந்தனர். கிருஷ்ணப்பா சமையல் தொழிலாளியாக வேலை செய்தார். ஆயத்த ஆடை தொழிற்சாலையில் சாரதா வேலை பார்த்து வந்தார்.

நேற்று முன்தினம் இரவு நண்பர் ஒருவரிடம் இருந்து கிருஷ்ணப்பா நாட்டு துப்பாக்கியை வாங்கி வந்ததாக தெரிகிறது. வேட்டையாடுவதற்காக, துப்பாக்கி சுட்டும் பழகுவதற்காக, அதனை அவர் வாங்கி வந்ததாக கூறப்படுகிறது. இந்த நிலையில், நள்ளிரவில் துப்பாக்கி குண்டு பாய்ந்து ரத்த வெள்ளத்தில் சாரதா துடித்தார். பின்னர் அவர் சம்பவ இடத்திலேயே ரத்த வெள்ளத்தில் பாிதாபமாக உயிர் இழந்தார்.

கணவர் கொலை செய்தாரா?

இதுபற்றி அக்கம் பக்கத்தில் வசிப்பவர்கள் கெப்பூரு போலீசாருக்கு தகவல் தெரிவித்தனர். போலீசார் விரைந்து வந்து சாரதாவின் உடலை கைப்பற்றி விசாரித்தனர். மேலும் அவரது கணவர் கிருஷ்ணப்பாவை பிடித்து போலீசார் விசாரணை நடத்தினார்கள். அப்போது நண்பரிடம் இருந்து வாங்கி வந்த துப்பாக்கியை வேட்டையாடும் போது, எப்படி சுட வேண்டும் என்று மனைவி சாரதாவிடம் சுட்டி காட்டியதாகவும், அந்த சந்தர்ப்பத்தில் எதிர்பாராத விதமாக அவர் மீது குண்டு பாய்ந்து இறந்து விட்டதாகவும் போலீசாரிடம் கிருஷ்ணப்பா கூறினார். ஆனால் தனது மகளை கிருஷ்ணப்பா சுட்டுக் கொலை செய்து விட்டதாக சாரதாவின் பெற்றோர் குற்றச்சாட்டு கூறியுள்ளனர்.

சமையல் தொழிலாளியான கிருஷ்ணப்பா நண்பரிடம் இருந்து துப்பாக்கியை வாங்கி வந்தது எதற்காக?, துப்பாக்கியை சுடும் போது சாரதா மீது எப்படி குண்டு பாய்ந்தது? மனைவியை கொலை செய்ய திட்டமிட்டு நண்பரிடம் இருந்து துப்பாக்கியை வாங்கி வந்து விட்டு நாடகமாடுகிறாரா? என்பது மர்மமாக உள்ளது. இதுகுறித்து கிருஷ்ணப்பாவிடம் தீவிர விசாரணை நடத்தப்பட்டு வருகிறது. இதுகுறித்து கெப்பூரு போலீசார் வழக்குப்பதிவு செய்து கிருஷ்ணப்பாவை கைது செய்துள்ளனர். இந்த சம்பவம் கெப்பூரில் பரபரப்பை ஏற்படுத்தி உள்ளது.

தொடர்புடைய செய்திகள்

1. திருச்சி மாநகரில் 'ஹெல்மெட்' அணியாமல் சென்ற 3 லட்சம் பேர் மீது வழக்கு போலீஸ் கமிஷனர் லோகநாதன் தகவல்
திருச்சி மாநகரில் ‘ஹெல்மெட்' அணியாமல் சென்ற 3 லட்சம் பேர் மீது வழக்கு பதிவு செய்யப்பட்டுள்ளதாக போலீஸ் கமிஷனர் லோகநாதன் தெரிவித்தார்.
2. பெரம்பலூர் அருகே விவசாயி வீட்டில் 23 பவுன் நகை- ரூ.40 ஆயிரம் திருட்டு? போலீசார் விசாரணை
பெரம்பலூர் அருகே விவசாயி வீட்டில் 23 பவுன் நகை மற்றும் ரூ.40 ஆயிரம் திருட்டு போனதாக கூறப்படும் சம்பவம் தொடர்பாக போலீசார் விசாரணை நடத்தி வருகின்றனர்.
3. ஜெயங்கொண்டம் அருகே இருதரப்பினரிடையே மோதல்; வீடுகள் சூறை பதற்றம்- போலீஸ் குவிப்பு
ஜெயங்கொண்டம் அருகே இருதரப்பினரிடையே ஏற்பட்ட மோதலை தொடர்ந்து வீடுகள் சூறையாடப்பட்டன. இதனால் அப்பகுதியில் பதற்றம் ஏற்பட்டுள்ளதையடுத்து போலீசார் குவிக்கப்பட்டுள்ளனர்.
4. பல்லடம் அருகே பாறைக்குழி தண்ணீரில் பிணமாக மிதந்த மெக்கானிக் போலீசார் விசாரணை
பல்லடம் அருகே பாறைக்குழி தண்ணீரில் பிணமாக மிதந்த மெக்கானிக் உடலை போலீசார் மீட்டு விசாரணை நடத்தி வருகிறார்கள்.
5. டெல்லியில் குடியரசு தினத்தன்று டிராக்டர் பேரணி நடத்த விவசாயிகள் திட்டம்; தடை கோரிய மனு மீது சுப்ரீம் கோர்ட்டு இன்று விசாரணை
டெல்லியில் குடியரசு தினத்தன்று விவசாயிகள் நடத்த திட்டமிட்டுள்ள டிராக்டர் பேரணிக்கு இடைக்கால தடை விதிக்கக்கோரும் மத்திய அரசின் மனுவை சுப்ரீம் கோர்ட்டு இன்று விசாரிக்கிறது.