மாவட்ட செய்திகள்

கோவிலுக்குள் புகுந்து கைவரிசை காட்டிய கொள்ளையன் கைது; ஐம்பொன் சிலை மீட்பு + "||" + Robber arrested for breaking into temple Iphone Statue Recovery

கோவிலுக்குள் புகுந்து கைவரிசை காட்டிய கொள்ளையன் கைது; ஐம்பொன் சிலை மீட்பு

கோவிலுக்குள் புகுந்து கைவரிசை காட்டிய கொள்ளையன் கைது; ஐம்பொன் சிலை மீட்பு
கோவிலுக்குள் புகுந்து கைவரிசை காட்டிய கொள்ளையனை கைது செய்த போலீசார், அவனிடம் இருந்து ஐம்பொன் முருகன் சிலையையும் மீட்டார்கள்.
ஈரோடு, 

ஈரோடு சாஸ்திரிநகர் கல்யாணசுந்தரம் வீதியில் பிரசித்தி பெற்ற வெற்றி விநாயகர் கோவில் உள்ளது. இந்த கோவிலில் விநாயகர் சிலைக்கு அருகில் சுமார் 1 அடி உயர ஐம்பொன் முருகன் சிலை வைக்கப்பட்டு பூஜை செய்யப்பட்டு வந்தது. கடந்த ஆகஸ்டு மாதம் 13-ந் தேதி நள்ளிரவில் கோவிலின் கதவை உடைத்து ஐம்பொன் சிலையை மர்மநபர் திருடிச்சென்றார்.

இதுகுறித்து ஈரோடு சூரம்பட்டி போலீசார் வழக்குப்பதிவு செய்து சுமார் ரூ.80 ஆயிரம் மதிப்பிலான ஐம்பொன் சிலையை திருடிய மர்மநபரை வலைவீசி தேடி வந்தனர். சிலை திருடியவரை பிடிக்க ஈரோடு மாவட்ட போலீஸ் சூப்பிரண்டு தங்கதுரை உத்தரவின்பேரில் போலீஸ் இன்ஸ்பெக்டர் ரவிக்குமார் தலைமையில் தனிப்படை அமைக்கப்பட்டது.

கைது

கோவிலுக்கு அருகில் உள்ள பகுதியில் பொருத்தப்பட்டு இருந்த கண்காணிப்பு கேமராக்களில் பதிவான காட்சிகளை வைத்து தனிப்படை போலீசார் விசாரணை நடத்தினார்கள்.

விசாரணையில் சிலையை திருடியவர் ஈரோடு மோளகவுண்டம்பாளையம் கல்யாணசுந்தரம் வீதியை சேர்ந்த வெங்கடேஷ் (வயது 55) என்பது தெரிய வந்தது. இதைத்தொடர்ந்து போலீஸ் இன்ஸ்பெக்டர் ரவிக்குமார் மற்றும் போலீசார் நேற்று மோளகவுண்டம்பாளையம் பகுதியில் பதுங்கி இருந்த வெங்கடேசை சுற்றி வளைத்து கைது செய்தனர்.

அவரிடம் போலீசார் விசாரணை நடத்தினார்கள். விசாரணையில், கைதான வெங்கடேஷ் ஈரோடு நாடார்மேடு பழையகள்ளிவலசு பகுதியை சேர்ந்த ரஞ்சித்குமார் என்பவரது வீட்டின் பூட்டை உடைத்து 3¼ பவுன் நகையை கொள்ளையடித்ததும் தெரியவந்தது. இதைத்தொடர்ந்து வெங்கடேசிடம் இருந்து ஐம்பொன் சிலையையும், 3¼ பவுன் நகைகளையும் போலீசார் மீட்டனர்.


தொடர்புடைய செய்திகள்

1. திருச்சி மாநகரில் காணாமல்போன ரூ.22¾ லட்சம் செல்போன்கள் மீட்பு
திருச்சி மாநகரில் மாயமான ரூ.22¾ லட்சம் மதிப்பிலான 165 செல்போன்கள் மீட்கப்பட்டு அதன் உரிமையாளர்களிடம் ஒப்படைக்கப்பட்டது.
2. சிகிச்சை அளிப்பதாக கூறி கடத்தப்பட்ட வாலிபர் மீட்பு; ஒருவர் கைது
சிகிச்சை அளிப்பதாக கூறி மனநலம் பாதித்த வாலிபரை கடத்தி பணம் பறித்தவரை போலீசார் மடக்கி பிடித்தனர். கடத்தப்பட்ட வாலிபர் பிச்சை எடுக்க ஈடுபடுத்தப்பட்டாரா? என போலீஸ் விசாரணை நடந்து வருகிறது.
3. குளச்சலில் கடலில் மூழ்கிய சட்டக்கல்லூரி மாணவர் பிணமாக மீட்பு
குளச்சலில் கிறிஸ்துமஸ் கொண்டாட்டத்தின் போது விசைப்படகில் இருந்து கடலில் தவறி விழுந்த சட்டக்கல்லூரி மாணவர் பிணமாக மீட்கப்பட்டார்.
4. 8 ஆண்டுகளுக்கு முன்பு மாயமான ஆலங்குடியை சேர்ந்தவர் நாகலாந்தில் மீட்பு குடும்பத்தினருடன் ஒப்படைப்பு
ஆலங்குடி அருகே வம்பனை சேர்ந்தவர், 8 ஆண்டுகளுக்கு முன்பு மாயமானவர் நாகலாந்து மாநிலத்தில் மீட்கப்பட்டு அவரது குடும்பத்தினரிடம் ஒப்படைக்கப்பட்டார்.
5. பேராவூரணியில் கழிவுநீர் தொட்டியில் விழுந்த மாடுகள் மீட்பு
பேராவூரணியில் கழிவுநீர் தொட்டியில் விழுந்த மாடுகள் மீட்கப்பட்டன.