<
புதுச்சேரி பாஜக நியமன சட்டமன்ற உறுப்பினர் சங்கர் காலமானார்
புதுச்சேரி பாஜக நியமன சட்டமன்ற உறுப்பினரும், பொருளாளருமான சங்கர் மாரடைப்பால் உயிரிழந்தார்.
புதுச்சேரி,
புதுச்சேரி பாரதீய ஜனதா கட்சியின் பொருளாளரும், நியமன சட்டமன்ற உறுப்பினருமான சங்கர், இன்று காலை மாரடைப்பால் உயிரிழந்தார். நேற்று இரவு உறங்கச் சென்ற அவர் இன்று காலை வெகு நேரமாகியும் எழுந்திருக்கவில்லை. இதனையடுத்து அவரது குடும்பத்தினர் அவரை உடனடியாக மருத்துவமனைக்கு கொண்டு சென்றனர்.
அங்கு சங்கரின் உடலை பரிசோதித்த மருத்துவர்கள் அவர் ஏற்கனவே உயிரிழந்துவிட்டதாக தெரிவித்தனர். இரவு உறக்கத்தின் போது மாரடைப்பால் சங்கர் உயிரிழந்ததாக மருத்துவமனை தரப்பில் தெரிவிக்கப்பட்டுள்ளது. இதையடுத்து அவரது உடல் வீட்டிற்கு எடுத்துச் செல்லப்பட்டு உறவினர்கள் அஞ்சலி செலுத்துவதற்காக வைக்கப்பட்டுள்ளது.
சட்டமன்ற தேர்தல் நெருங்கி வரும் நிலையில் புதுச்சேரி பாஜக சட்டமன்ற உறுப்பினரும், பொருளாளருமான சங்கர் உயிரிழந்திருப்பது பாஜகவிற்கு பெரும் இழப்பாக அமைந்துள்ளது. அவரது மறைவிற்கு பல்வேறு அரசியல் கட்சி தலைவர்கள் இரங்கல் தெரிவித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
