மாவட்ட செய்திகள்

திருக்கோவிலூர் அருகே மாவட்ட அளவிலான கைப்பந்து போட்டி + "||" + District level volleyball tournament near Tirukovilur

திருக்கோவிலூர் அருகே மாவட்ட அளவிலான கைப்பந்து போட்டி

திருக்கோவிலூர் அருகே மாவட்ட அளவிலான கைப்பந்து போட்டி
திருக்கோவிலூர் அருகே மாவட்ட அளவிலான கைப்பந்து போட்டி வெற்றி பெற்ற அணிகளுக்கு போலீஸ் சூப்பிரண்டு ராதாகிருஷ்ணன் பரிசு வழங்கினார்.
திருக்கோவிலூர், 

பொங்கல் பண்டிகையை யொட்டி விழுப்புரம் மற்றும் கள்ளக்குறிச்சி மாவட்ட அளவிலான கைப்பந்து போட்டி திருக்கோவிலூர் அடுத்த அரகண்டநல்லூர் பால மந்திர் மெட்ரிகுலேஷன் பள்ளியில் நடைபெற்றது. இதற்கு அரகண்டநல்லூர் பேரூராட்சி முன்னாள் தலைவரும், தமிழ்நாடு காங்கிரஸ் கமிட்டியின் சிறுபான்மை பிரிவு மாநில துணைத் தலைவருமான ஏ. ஆர்.வாசிம் ராஜா தலைமை தாங்கினார். அரகண்டநல்லூர் தொழிலதிபர் ஏ.ஆர். ஹக்கீம் விளையாட்டு வீரர்களை அறிமுகம் செய்து வைத்தார். பள்ளி நிர்வாகி தொழிலதிபர் எம்.எஸ்.கே.அக்பர் வரவேற்றார். தாளாளர் காமிலாபேகம்அக்பர், தொழிலதிபர் எம்.எஸ்.கே.பாபு ஆகியோர் முன்னிலை வகித்தனர். சிறப்பு அழைப்பாளராக கலந்துகொண்ட தொழிலதிபர் காடகனூர் கே.சச்சிதானந்தம் போட்டியை தொடங்கி வைத்தார்.

இதில் விழுப்புரம் மற்றும் கள்ளக்குறிச்சி மாவட்டங்களைச் சேர்ந்த 28 அணிகள் கலந்துகொண்டன. முடிவில் முகையூர் அணி முதலிடத்தையும், திருக்கோவிலூர் அணி 2-வது இடத்தையும், அருமலை அணி 3-வது இடத்தையும் பிடித்தது. பின்னர் நடைபெற்ற பரிசளிப்பு விழாவில் விழுப்புரம் மாவட்ட போலீஸ் சூப்பிரண்டு ராதாகிருஷ்ணன் கலந்து கொண்டு வெற்றிபெற்ற அணிகளுக்கு கோப்பையை வழங்கி பாராட்டி பேசினார். விழாவில் அரகண்டநல்லூர் பேரூராட்சி முன்னாள் தலைவர் சுந்தரமூர்த்தி, இந்திய கம்யூனிஸ்டு கட்சியின் மாநில பொறுப்புக் குழு உறுப்பினர் சரவணன், காங்கிரஸ் கட்சியின் பொதுக்குழு உறுப்பினர் முருகன், மில் அதிபர் சங்கர், பேரூராட்சி முன்னாள் உறுப்பினர் ஆறுமுகம், திருக்கோவிலூர் நகர கூட்டுறவு வங்கி் முன்னாள் செயலாளர் ரகோத்தமன், திருக்கோவிலூர் வேளாண்மை உற்பத்தியாளர் கூட்டுறவு சங்கத்தின் பொது மேலாளர் செல்வம், முன்னாள் மாணவர்கள் தெய்வீகன், சாய்ராம், துரை, சதீஷ் உள்பட பலர் கலந்து கொண்டனர். விழாவில் கட்சி பிரமுகர்கள், வியாபாரிகள், பொதுமக்கள் கலந்துகொண்டனர்.விழாவில் கலந்துகொண்ட போலீஸ் சூப்பிரண்டு ராதாகிருஷ்ணனுக்கு பள்ளி நிர்வாகி அக்பர் நினைவு பரிசு வழங்கினார். முடிவில் பள்ளி தலைமை ஆசிரியர் நன்றி கூறினார்.



தொடர்புடைய செய்திகள்

1. பிப்ரவரி மாதத்துக்கான சிறந்த வீரர் விருதுக்கு அஸ்வின் உள்பட 3 பேர் போட்டி
சர்வதேச கிரிக்கெட் கவுன்சில் (ஐ.சி.சி.) மாதந்தோறும் சிறந்த வீரர், வீராங்கனையை தேர்ந்தெடுத்து விருது வழங்கும் முறையை சமீபத்தில் அறிமுகம் செய்தது.
2. வரும் சட்டமன்ற தேர்தலில் தனிச்சின்னத்தில் போட்டி - ம.தி.மு.க பொதுச்செயலாளர் வைகோ அறிவிப்பு
வரும் சட்டமன்ற தேர்தலில் தனிச்சின்னத்தில் போட்டியிடப்போவதாக ம.தி.மு.க பொதுச்செயலாளர் வைகோ தெரித்துள்ளார்.
3. தேசிய சப்-ஜூனியர் கைப்பந்து: அரியானா அணி ‘சாம்பியன்’
43-வது தேசிய சப்-ஜூனியர் கைப்பந்து சாம்பியன்ஷிப் போட்டி வேலூர் மாவட்டம் காட்பாடியில் நடந்தது. இதில் ஆண்கள் பிரிவில் 26 அணிகளும், பெண்கள் பிரிவில் 17 அணிகளும் பங்கேற்றன.
4. 10 அணிகள் பங்கேற்கும் சென்னை மாவட்ட ‘ஏ’ டிவிசன் கைப்பந்து போட்டி நாளை தொடக்கம்
சென்னை மாவட்ட கைப்பந்து சங்கம் சார்பில் டாக்டர் ரேலா மருத்துவ மையம், ஆச்சி குரூப் ஆப் கம்பெனிகள் ஆதரவுடன் சென்னை மாவட்ட ‘ஏ’ டிவிசன் கைப்பந்து லீக் சாம்பியன்ஷிப் போட்டி நாளை (செவ்வாய்கிழமை) முதல் 10-ந்தேதி வரை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடக்கிறது.
5. ஐ.எஸ்.எல். கால்பந்து போட்டியில் கோவா அணி அரைஇறுதிக்கு தகுதி
11 அணிகள் இடையிலான 7-வது இந்தியன் சூப்பர் லீக் (ஐ.எஸ்.எல்) கால்பந்து தொடர் கோவாவில் நடந்து வருகிறது.