தடையை மீறி டிராக்டர் பேரணியில் ஈடுபட்ட மேலும் 4 பேர் கைது

வேளாண் சட்டங்களை மத்திய அரசு வாபஸ் பெற வலியுறுத்தி திருவாரூாில் தடையை  மீறி விவசாயிகள் டிராக்டர் பேரணி நடத்தினர். இதுகுறித்து திருவாரூர் தாலுகா போலீசார் தடையினை மீறி டிராக்டர் பேரணி நடத்திய பூண்டி கே.கலைவாணன் எம்.எல்.ஏ. உள்பட 14-க்கும் மேற்பட்டவர்கள் மீது கொலை முயற்சி, பொதுசொத்தை சேதப்படுத்துதல் உள்பட 7 பிரிவின் கீழ் வழக்குப்பதிவு செய்தனர்.  இந்த வழக்கில் தம்புசாமி, பாரதி, துரைராஜ் ஆகிய 3 பேரை போலீசாா்  கைது செய்தனர். 

இந்தநிலையில் நேற்று இந்த வழக்கில் தொடா்புடைய தி.மு.க. இளைஞர் அணி நிர்வாகிகள் பூண்டி.கலைவேந்தன், ஞானராஜ், சிவசங்கரன் மற்றும் ஹரி ஆகிேயாரை திருவாரூர் தாலுகா போலீசாா் கைது செய்தனா். பின்னா்  பேரணியில் பயன்படுத்தப்பட்ட 4 டிராக்டர்கள் போலீசாாிடம் ஒப்படைக்கப்பட்டது. இதில் பூண்டி.கலைவேந்தன் முன்னாள் மாவட்ட தி.மு.க. செயலாளர் பூண்டி கலைச்செல்வன் மகன் என்பது குறிப்பிடத்தக்கது.