திருச்சி விமான நிலையத்தில் ரூ.9 லட்சம் கடத்தல் தங்கம் பறிமுதல்

துபாயில் இருந்து திருச்சிக்கு நேற்று காலை 5.15 மணிக்கு சிறப்பு விமானம் வந்தது. அந்த விமானத்தில் வந்த பயணிகளை திருச்சி விமான நிலையத்தில் மத்திய வான் நுண்ணறிவு பிரிவு அதிகாரிகள் சோதனை நடத்தினார்கள். அப்போது, தஞ்சாவூரை சேர்ந்த முருகன் (வயது 38) என்ற பயணி தனது உடலில் 199 கிராம் தங்கத்தை மறைத்து கடத்தி வந்தது கண்டுபிடிக்கப்பட்டது. இதைத்தொடர்ந்து கடத்தல் தங்கத்தை பறிமுதல் செய்த அதிகாரிகள் முருகனிடம் தொடர்ந்து விசாரணை நடத்தி வருகிறார்கள். பறிமுதல் செய்யப்பட்டதங்கத்தின் மதிப்பு ரூ.9 லட்சம் ஆகும்.