வருவாய்த்துறை கிராம உதவியாளர் சங்க செயற்குழு கூட்டம்

கரூரில் நேற்று தமிழ்நாடு வருவாய்த்துறை கிராம உதவியாளர் சங்கத்தின் மாநில செயற்குழு கூட்டம் நடைபெற்றது. இதற்கு மாநில தலைவர் ராஜசேகர் தலைமை தாங்கினார். மாநில பொதுச்செயலாளர் தமிழ்ச்செல்வன் முன்னிலை வகித்தார். வருகிற 9-ந்தேதி ஒருநாள் அடையாள வேலைநிறுத்தத்தில் ஈடுபடுவது. வருகிற 15-ந்தேதி முதல் 19-ந்தேதி வரை தமிழகம் முழுவதும் கிராம உதவியாளர்கள் ரத்த கையெழுத்து இயக்கம் தொடங்குவது. வருகிற 24-ந்தேதி முதல் தொடர் வேலைநிறுத்தம் செய்வது என்பன உள்பட பல்வேறு தீர்மானங்கள் நிறைவேற்றப்பட்டன. இதில் மாவட்ட தலைவர் சுரேஷ்குமார், செயலாளர் தனலெட்சுமி, மாநில செயற்குழு உறுப்பினர் அரசகுமார், மாவட்ட நிர்வாகிகள் மற்றும் பலர் கலந்து கொண்டனர்.