விருத்தாசலம் அருகே தொழிலாளி வீட்டில் நகை பணம் திருட்டு

விருத்தாசலம் மணலூர் பிள்ளையார் கோவில் தெருவை சேர்ந்தவர் கலியபெருமாள் மகன் மணிகண்டன் (வயது 37). கூலித் தொழிலாளியான இவர் நேற்று முன்தினம் இரவு தனது வீட்டை பூட்டிவிட்டு அருகில் உள்ள தனது மாமா வீட்டிற்கு குடும்பத்தினருடன் சென்றிருந்தார். பின்னர் நேற்று காலையில் வீட்டுக்கு வந்தார். அப்போது வீட்டின் முன்பக்க கதவு பூட்டு உடைக்கப்பட்ட நிலையில் கதவு திறந்து கிடந்தது. இதைபார்த்து அதிர்ச்சியடைந்த அவர் வீட்டுக்குள் சென்று பார்த்தபோது, பீரோ உடைக்கப்பட்டு அதில் இருந்த 6½ பவுன் நகை, 100 கிராம் வெள்ளி பொருட்கள், ரூ.15 ஆயிரம் ரொக்கம் ஆகியவற்றை காணவில்லை. அதனை யாரோ மர்மநபர்கள் திருடிச்சென்றிருப்பது தெரியவந்தது.