மாவட்ட செய்திகள்

நீண்ட வரிசையில் நின்று பொங்கல் வைத்த பெண்கள் + "||" + Pongal

நீண்ட வரிசையில் நின்று பொங்கல் வைத்த பெண்கள்

நீண்ட வரிசையில் நின்று பொங்கல் வைத்த பெண்கள்
கல்லல் அருகே நகரத்தார்கள் சார்பில் செவ்வாய் பொங்கல் விழா நடைபெற்றது. இதையொட்டி பெண்கள் நீண்ட வரிசையில் நின்று பொங்கல் வைத்து வழிபாடு செய்தனர்.
கல்லல்,

கல்லல் அருகே நகரத்தார்கள் சார்பில் செவ்வாய் பொங்கல் விழா நடைபெற்றது. இதையொட்டி பெண்கள் நீண்ட வரிசையில் நின்று பொங்கல் வைத்து வழிபாடு செய்தனர்.

செவ்வாய் பொங்கல் விழா

கல்லல் அருகே உள்ள சொக்கநாதபுரத்தில் நகரத்தார்களுக்கு பாத்தியப்பட்ட காளியம்மன் கோவில் உள்ளது. இந்த கோவிலில் ஆண்டுதோறும் தை மாதம் கடைசி செவ்வாய்க்கிழமை அன்று நகரத்தார்கள் சார்பில் ஒன்று கூடி கோவில் முன்பு பொங்கல் பானை வைத்து வழிபாடு செய்வது வழக்கம். சுமார் 100 ஆண்டுகளாக செவ்வாய் பொங்கல் விழா கொண்டாடப்பட்டு வருகிறது.

இந்த செவ்வாய் பொங்கல் விழாவில் பல்வேறு நாடுகளில் வசிக்கும் நகரத்தார்களும் கலந்துகொண்டு பொங்கல் வைத்து வழிபாடு நடத்தி வருகின்றனர். இதையொட்டி நேற்று தை மாத கடைசி செவ்வாய்க்கிழமை முன்னிட்டு பொங்கல் விழா நடைபெற்றது.

319 பெண்கள் பங்கேற்பு

 இதையொட்டி காளியம்மன் கோவிலில் சிறப்பு பூஜை நடைபெற்றது. பக்தர்கள் சாமி தரிசனம் செய்த பின்னரே பொங்கல் வைக்க புள்ளிகளின் அடிப்படையில் பெயர்களை குலுக்கல் முறையில் தேர்வு செய்தனர். ஒரு புள்ளி என்பது ஒரு குடும்ப தலைவரை குறிக்கும்.அதில் தேர்வு செய்யப்படும் நபர் முதலில் மண் பானையில் பொங்கல் வைத்த பின்னர் மற்றவர்கள் பொங்கல் வைப்பார்கள்.
அதன்படி நேற்று குலுக்கல் முறையில் தேர்வு செய்யப்பட்ட முத்துராமன் செட்டியார் மகன் கருப்பையா செட்டியார் முதல் பொங்கல் வைக்க அதன் பின்னர் 319 பெண்கள் நீண்ட வரிசையில் நின்று விறகு அடுப்பில் பொங்கல் வைத்து வழிபாடு செய்தனர். ஒரே நேரத்தில் பெண்கள் வரிசையாக நின்று பொங்கல் வைத்த காட்சி பார்க்க அற்புதமாக இருந்தது. இதில் ஏராளமானோர் கலந்து கொண்டனர்.
அதன் பின்னர் பொங்கல் பொங்கிய பின்னர் பெண்கள் குலவையிட்டு சாமி கும்பிட்டனர். விழாவில் கலந்துகொள்வதற்காக துபாய், மலேசியா, சிங்கப்பூர் உள்ளிட்ட நாடுகளில் வசித்து வரும் நகரத்தார்களும் திரளாக கலந்துகொண்டனர்.
இதற்கான ஏற்பாடுகளை நகரத்தார்கள் செய்திருந்தனர்.

தொடர்புடைய செய்திகள்

1. பொங்கல் பண்டிகை முடிந்ததால் வெளியூர் செல்ல குவிந்த மக்கள்; பஸ்களில் கூட்டம் அலைமோதியது
பொங்கல் பண்டிகை முடிந்ததால் வெளியூர் செல்ல மக்கள் குவிந்ததால் பஸ்களில் கூட்டம் அலைமோதியது.
2. சேலம் மாவட்டத்தில் 3 இடங்களில் பொங்கல் பண்டிகையையொட்டி எருதாட்டம்
சேலம் மாவட்டத்தில் 3 இடங்களில் பொங்கல் பண்டிகையையொட்டி எருதாட்டம் நடந்தது.
3. பொங்கல் பண்டிகை முடிந்து 70 ஆயிரம் வாகனங்களில் சென்னைக்கு சென்றனர் உளுந்தூர்பேட்டை, விக்கிரவாண்டி சுங்கச்சாவடியில் கடும் போக்குவரத்து நெரிசல்
பொங்கல் பண்டிகை முடிந்து 70 ஆயிரம் வாகனங்களில் ஏராளமானோர் சென்னைக்கு திரும்பியதால் உளுந்தூர்பேட்டை, விக்கிரவாண்டி சுங்கச்சாவடியில் கடும் போக்குவரத்து நெரிசல் ஏற்பட்டது.
4. கடலூரில் பொங்கல் பொருட்கள் வாங்க குவிந்த பொதுமக்கள்
கடலூரில் பொங்கல் பொருட்கள் வாங்க பொதுமக்கள் கூட்டம் அலைமோதியது.
5. ஐ.வி.டி.பி. மகளிர் சுய உதவிக்குழுவில் பணியாற்றும் 420 பணியாளர்களுக்கு ரூ.2 லட்சம் பொங்கல் பரிசு தொகுப்பு
ஐ.வி.டி.பி. தன்னார்வ தொண்டு நிறுவனம் கிருஷ்ணகிரி, தர்மபுரி, திருப்பத்தூர் மற்றும் வேலூர் மாவட்டங்களில் மகளிர் சுய உதவிக்குழுக்களை அமைத்து கிராமப்புற ஏழை மகளிரை முன்னேற்றும் பணியை மேற்கொண்டு வருகிறது.