<
கல்வி கட்டணத்தை குறைக்கக்கோரி தொடர்ந்து 4-வது நாளாக பெருந்துறை மருத்துவ கல்லூரி மாணவ- மாணவிகள் போராட்டம்; வளாக அரங்கில் காத்திருப்பில் ஈடுபட்டதால் பரபரப்பு
கல்வி கட்டணத்தை குறைக்கக்கோரி தொடர்ந்து 4-வது நாளாக பெருந்துறை மருத்துவ கல்லூரி மாணவ- மாணவிகள் போராட்டத்தில் ஈடுபட்டனர். இதையொட்டி அவர்கள் கல்லூரி வளாகத்தில் உள்ள அரங்கில் காத்திருப்பு போராட்டத்தில் ஈடுபட்டதால் பரபரப்பு ஏற்பட்டது.
பெருந்துறை
கல்வி கட்டணத்தை குறைக்கக்கோரி தொடர்ந்து 4-வது நாளாக பெருந்துறை மருத்துவ கல்லூரி மாணவ- மாணவிகள் போராட்டத்தில் ஈடுபட்டனர். இதையொட்டி அவர்கள் கல்லூரி வளாகத்தில் உள்ள அரங்கில் காத்திருப்பு போராட்டத்தில் ஈடுபட்டதால் பரபரப்பு ஏற்பட்டது.
4-வது நாளாக...
ஈரோடு மாவட்டம் பெருந்துறையில் அரசு மருத்துவ கல்லூரி செயல்பட்டு வருகிறது. இந்த கல்லூரியில் கல்வி கட்டணத்தை குறைக்க வேண்டும் என கோரி மாணவ- மாணவிகள் பல்வேறு கட்டங்களாக போராட்டம் நடத்தி வருகிறார்கள்.
அதன் தொடர்ச்சியாக தொடர்ந்து 4-வது நாளாக மாணவ- மாணவிகளின் போராட்டம் நேற்றும் நடைபெற்றது.
முதல் 2 நாட்கள் கல்லூரி வாயிலின் வெளிப்புறத்திலும், 3-ம் நாள் கல்லூரி வளாகத்துக்குள்ளும் தர்ணா போராட்டத்தில் மாணவ- மாணவிகள் ஈடுபட்டனர்.
இந்த நிலையில் 4-வது நாளான நேற்று மாணவ- மாணவிகளின் தர்ணா போராட்டம் காத்திருப்பு போராட்டமாக மாறியது.
காத்திருப்பு போராட்டம்
இதையொட்டி அவர்கள் கல்லூரியில் கலை அரங்கத்தில் உட்கார்ந்து காத்திருப்பு போராட்டத்தில் ஈடுபட்டனர்.
அப்போது கல்வி கட்டணத்தை குறைக்கக்கோரும் வகையில் பேனர்கள் மற்றும் இதர கோரிக்கைகள் அடங்கிய பதாகைகளை மாணவ- மாணவிகள் கையில் ஏந்தி தரையில் உட்கார்ந்திருந்தனர். இந்த போராட்டத்தால் கல்லூரி வளாகத்தில் பெரும் பரபரப்பு ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
