தனியார் வேலைவாய்ப்பு முகாம் நாளை நடக்கிறது

கரூர் மாவட்ட வேலைவாய்ப்பு அலுவலர் பழனிசாமி வெளியிட்டுள்ள செய்திக்குறிப்பில் தெரிவித்திருப்பதாவது:- தனியார்த்துறை நிறுவனங்களும், தனியார் துறையில் பணிபுரிய விருப்பம் உள்ள அனைத்து வகை பதிவுதாரர்களும் நேரடியாக சந்திக்கும் வேலைவாய்ப்பு முகாம் ஒவ்வொரு வாரமும் வெள்ளிக்கிழமை கரூர் மாவட்ட வேலைவாய்ப்பு மற்றும் தொழில்நெறி வழிகாட்டும் மைய வளாகத்தில் நடைபெற்று வருகிறது. இந்த வாரத்திற்கு உரிய தனியார்த்துறை வேலைவாய்ப்பு முகாம் நாளை (வெள்ளிக்கிழமை) காலை 11 மணியளவில் நடைபெற உள்ளது. இம்முகாமில் 10, 12-ம் வகுப்பு, ஐடிஐ, டிப்ளமோ, கணினிப்பயிற்சி மற்றும் பட்டம் முடித்த வேலைவாய்ப்பற்ற இளைஞர்கள் தங்களின் கல்வி சான்றிதழ்கள் மற்றும் சுயவிவரக்குறிப்புகளுடன் கலந்து கொண்டு வேலைவாய்ப்பினை பெற்றுக் கொள்ளலாம்.  தனியார்த்துறை நிறுவனங்கள் கலந்து கொண்டு தங்களுக்கு தேவையான நபர்களை அவர்களது நிர்வாகிகளை கொண்டோ அல்லது நேரில் வருகைபுரிந்தோ தேர்வு செய்து கொள்ளலாம். இத்தனியார்துறை வேலைவாய்ப்பு முகாமில் பங்குபெற விருப்பமுள்ள வேலையளிப்போர் மற்றும் வேலைநாடுவோர் https://www.tnprivatejobs.tn.gov.in என்ற இணையதளத்தில் பதிவு செய்து கொள்ளலாம். இது ஒரு இலவச பணியே ஆகும். இதன் மூலம் தனியார் துறைகளில் வேலைவாய்ப்பு பெறுபவர்களுக்கு அவர்களது வேலைவாய்ப்பு பதிவுமூப்பு ரத்து செய்யப்படமாட்டாது. 

இவ்வாறு அதில் அவர் தெரிவித்துள்ளார்.