தேள் கடித்து பெண் சாவு

கீரனூர் அருகே உள்ள வைத்தூர் ஆரணிபட்டியை சேர்ந்தவர் நாகேந்திரன். இவரது மனைவி மஞ்சுளா (வயது 29). இவர், மாமனார் ஊரான உலகத்தான் பட்டியில் விவசாய வேலைகள் செய்ய சென்றபோது உளுந்து பயிரில் இருந்த தேள் ஒன்று மஞ்சுளாவின் வலது விரலில் கடித்தது. இதில், வலியால் துடித்த அவரை சக தொழிலாளிகள் புதுக்கோட்டை அரசு மருத்துவமனைக்கு கொண்டு சென்று சேர்த்தனர். அங்கு தீவிர சிகிச்சை அளிக்கப்பட்டும் சிகிச்சை பலனின்றி மஞ்சுளா இறந்தார். இதுகுறித்து உடையாளிப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.