பிரான்மலை குளத்தில் ‘டைவ்’ அடித்து குளிக்கும் சிறுவர்கள்

தமிழகத்தில் கடந்த ஆண்டு குடிமராமத்து பணி நடைபெற்றது.இதில் ஏரிகள், கண்மாய்கள், குளங்கள், குட்டைகள் தூர்வாரப்பட்டன. அதன்பிறகு டிசம்பர்,ஜனவரி மாதங்களில் பருவம் தவறி பெய்த மழையால் அனைத்து நீர்நிலைகளும் நிரம்பின.
இது குறித்து பிரான்மலை பகுதியை சேர்ந்த சமூக ஆர்வலர் கண்ணன் கூறும் போது, இன்றைய சிறுவர், சிறுமிகளுக்கு சரிவர நீச்சல் தெரிவதில்லை. அக்கம், பக்கத்து சிறுவர்கள் நாங்கள் எல்லாம் குளத்தில் நீச்சல் அடித்து குளித்தோம் என்று கூறியவுடன் அவர்களும் குளத்திற்கு குளிக்க வந்து விடுகின்றனர். பெற்றோர் வேலைக்கு செல்வதால் தங்கள் பிள்ளைகளை சரிவர கவனிக்க முடிவதில்லை. குளம், கண்மாய்களில் குளிக்கும் சிறுவர், சிறுமிகள் எதிர்பாராதவிதமாக ஆழமான பகுதிக்கு சென்று தங்கள் இன்னுயிரை இழந்து விடுகின்றனர். எனவே பெற்றோர் தங்கள் குழந்தைகளை கண்காணிக்க வேண்டும். அதோடு குளம், குட்டைகள், கண்மாய்களில் ஆழம், புதைக்குழி போன்றவை இருந்தால் அரசு சார்பில் விழிப்புணர்வு பதாகைகள் வைக்க வேண்டும். மேலும் பெற்றோர் தங்கள் குழந்தைகளுக்கு நீச்சல் பயிற்சியை கற்று கொடுக்க வேண்டும். அப்போது தான் இது போன்ற உயிரிழப்புகளை தடுக்க முடியும். அதோடு நீர்நிலைகளில் குளிக்கும் போது தங்கள் பிள்ளைகளை கவனமாக பார்க்க வேண்டும் என்றார்.