மோட்டார்சைக்கிள் திருடியவர் சிக்கினார்

மதுரை,பிப்.

மதுரை மதிச்சியம் வடக்கு தெருவை சேர்ந்தவர் பாண்டி குமார் (வயது 36). இவர் மதுரை அரசு ஆஸ்பத்திரியில் தனது மோட்டார் சைக்கிளை நிறுத்தி வைத்திருந்தார். அப்போது வாலிபர் ஒருவர் அவரது மோட்டார் சைக்கிளை திருட முயன்றார். அதை பார்த்த பாண்டிகுமார் அந்த நபரை பிடித்து மதிச்சியம் போலீசில் ஒப்படைத்தார். போலீசார் அவரிடம் விசாரித்த போது, உசிலம்பட்டியை சேர்ந்த மனோஜ்குமார் (27) என்பது தெரியவந்தது. இது குறித்து போலீசார் வழக்குப்பதிவு செய்து வண்டியை திருடியது தொடர்பாக அவரிடம் விசாரணை நடத்தி வருகின்றனர்.