மாவட்ட செய்திகள்

திருவாரூர் கலெக்டர் அலுவலகம் முன்பு 4-வது நாளாக காத்திருப்பு போராட்டம் அங்கன்வாடி ஊழியர்கள் 200 பேர் கைது + "||" + 200 Anganwadi workers arrested for waiting strike for 4th day in front of Thiruvarur Collector's Office

திருவாரூர் கலெக்டர் அலுவலகம் முன்பு 4-வது நாளாக காத்திருப்பு போராட்டம் அங்கன்வாடி ஊழியர்கள் 200 பேர் கைது

திருவாரூர் கலெக்டர் அலுவலகம் முன்பு 4-வது நாளாக காத்திருப்பு போராட்டம் அங்கன்வாடி ஊழியர்கள் 200 பேர் கைது
திருவாரூர் கலெக்டர் அலுவலகம் முன்பு நேற்று 4-வது நாளாக காத்திருப்பு போராட்டத்தில் ஈடுபட்ட அங்கன்வாடி ஊழியர்கள் 200 பேரை போலீசார் கைது செய்தனர்.
திருவாரூர், 

பணி நிரந்தரம் செய்ய வேண்டும். அகவிலைப்படியுடன் கூடிய ஓய்வூதியம் வழங்க வேண்டும். ஓய்வு பெறும் ஊழியருக்கு ரூ.10 லட்சமும், உதவியாளருக்கு ரூ.5 லட்சமும் பணிக்கொடையாக வழங்க வேண்டும் என்பன உள்ளிட்ட 3 அம்ச கோரிக்கைகளை வலியுறுத்தி திருவாரூர் மாவட்ட கலெக்டர் அலுவலகம் முன்பு அங்கன்வாடி ஊழியர்கள் மற்றும் உதவியாளர்கள் கடந்த 22-ந் தேதி முதல் தொடர் காத்திருப்பு போராட்டத்தை தொடங்கினர்.

நேற்று 4-வது நாளாக திருவாரூர் மாவட்ட கலெக்டர் அலுவலகம் முன்பு அங்கன்வாடி ஊழியர்கள் மற்றும் உதவியாளர்கள் சங்கத்தின் சார்பில் நடைபெற்ற காத்திருப்பு போராட்டத்திற்கு சங்கத்தின் மாவட்ட தலைவர் பிரேமா தலைமை தாங்கினார்.

போலீசார் அனுமதி மறுப்பு

சி.ஐ.டி.யூ. மாவட்ட செயலாளர் முருகையன் உள்பட பலர் கலந்து கொண்டனர். அப்போது தற்காலிக நிழற்குடைக்காக அங்கு பந்தல் அமைக்க போராட்டக்காரர்கள் அனுமதி கேட்டனர். ஆனால் அதற்கு போலீசார் அனுமதி அளிக்க மறுத்தனர்.

இதனால் ஆத்திரம் அடைந்த அங்கன்வாடி ஊழியர்கள் அங்கு உள்ள நெடுஞ்சாலையில் அமர்ந்து மறியல் போராட்டத்தில் ஈடுபட்டனர்.

இதனையடுத்து திருவாரூர் துணை போலீஸ் சூப்பிரண்டு தினேஷ்குமார் தலைமையில் தாலுகா போலீசார் போராட்டத்தில் ஈடுபட்டவர்களை கைது செய்ய முயன்றனர்.

200 பேர் கைது

ஆனால் அவர்கள் கைதாவதற்கு மறுத்து, பந்தல் அமைக்க அனுமதி அளிக்க வேண்டும் என தொடர்ந்து வலியுறுத்தினர். அப்போது போலீசார் உயர் அதிகாரிகளிடம் தகவல் தெரிவித்து பந்தல் அமைப்பதற்கு அனுமதி பெறுவதற்கு நடவடிக்கை எடுக்கப்படும் என உறுதி அளித்தனர்.

இதையடுத்து போலீசார் மறியல் போராட்டத்தில் ஈடுபட்ட அங்கன்வாடி ஊழியர்கள் 200 பேரை கைது செய்தனர். போராட்டம் காரணமாக திருவாரூர்-தஞ்சை நெடுஞ்சாலையில் அரை மணி நேரம் போக்குவரத்து பாதிக்கப்பட்டது.

தொடர்புடைய செய்திகள்

1. ஹாங்காங்கில் சீன அரசுக்கு எதிராக போராடிய பத்திரிகை அதிபருக்கு சிறை
சீனாவின் நேரடி கட்டுப்பாட்டில் இருக்கும் ஹாங்காங்கில் கடந்த 2019-ம் ஆண்டு சீனாவுக்கு எதிராக பெரிய அளவில் போராட்டம் வெடித்தது.
2. முற்றுகை போராட்டம் எதிரொலி; அதிகாரிகளின் அனுமதியுடன் செயல்பட்ட கோயம்பேடு சில்லரை காய்கறி கடைகள்; வியாபாரிகள் மகிழ்ச்சி
கொரோனா காரணமாக பிறப்பிக்கப்பட்ட தடை உத்தரவு அமலுக்கு வந்த நிலையில், அதிகாரிகள் அனுமதியுடன் கோயம்பேடு சில்லரை காய்கறி கடைகள் செயல்பட்டன.
3. அடிப்படை வசதிகள் நிறைவேற்றப்படாததை கண்டித்து கலெக்டர் அலுவலகத்தை முற்றுகையிட்டு பொதுமக்கள் போராட்டம்
அடிப்படை வசதிகள் நிறைவேற்றப்படாததை கண்டித்து திருவள்ளூர் கலெக்டர் அலுவலகத்தை முற்றுகையிட்டு பொதுமக்கள் போராட்டத்தி்ல் ஈடுபட்டனர்.
4. டெல்லியில் 118-வது நாளாக விவசாயிகள் போராட்டம்; 3 மாநிலங்களில் சுங்க கட்டண இழப்பு ரூ.815 கோடி
டெல்லியில் விவசாயிகள் 118-வது நாளாக போராட்டம் நடத்தி வருவதால் 3 மூன்று மாநிலங்களில் ரூ.815 கோடி சுங்க கட்டண இழப்பு ஏற்பட்டு இருப்பதாக மத்திய அரசு தெரிவித்துள்ளது.
5. பஞ்சாப்பில் மூடப்பட்ட கல்லூரிகளை திறக்க கோரி மாணவர்கள் போராட்டம்
பஞ்சாப்பில் கொரோனா பாதிப்பு உயர்வால் மூடப்பட்ட கல்லூரிகளை திறக்க கோரி மாணவர்கள் போராட்டத்தில் ஈடுபட்டனர்.