கட்டுமாவடி மார்க்கெட்டில் பாறை மீன் விற்பனை

மணமேல்குடி அடுத்த கட்டுமாவடியில் பெரிய மீன் மார்க்கெட் உள்ளது. இந்த மார்க்கெட்டிற்கு விசைப்படகு, நாட்டுப்படகில் பிடிக்கப்படும் மீன்கள், இறால்கள், நண்டுகள் விற்பனைக்கு வருகின்றன. இந்த, மீனை வாங்குவதற்கு ஏராளமான வாடிக்கையாளர்களும், வியாபாரிகளும் வருகின்றனர். இந்நிலையில் கடந்த 2 நாட்களாக பாறை மீன்கள் அதிகமாக விற்பனைக்கு வந்துள்ளன. இந்த பாறை வகை மீன் அதிக ருசி கொண்டதால், ஏராளமான வாடிக்கையாளர்கள் மார்க்கெட்டிற்கு மீன்கள் வாங்க குவிந்தனர். மேலும் அதிகளவு பாறை மீன்களை வாங்கி செல்கின்றனர்.