வியாபாரி தற்கொலை

கடையம், மார்ச்:

கடையம் அருகே உள்ள கருத்தலிங்கபுரத்தை சேர்ந்தவர் மாடக்கண்ணு (வயது 58). மாட்டு வியாபாரி. இவர் மாடுகளை வாங்கி விற்று வந்தார். கடந்த சில நாட்களுக்கு முன்பு ரூ.22 ஆயிரத்துக்கு ஒரு மாட்டை வாங்கினார். அந்த மாடு உடல்நலக் குறைவால் இறந்தது. இந்த நிலையில் மாடக்கண்ணு மனவருத்தத்தில் இருந்து வந்தார். நேற்று முன்தினம் அவர் மது அருந்திவிட்டு அரளிகொட்டையை சாப்பிட்டுள்ளார். அக்கம் பக்கத்தினர் அவரை தென்காசி அரசு ஆஸ்பத்திரியில் சேர்த்தனர். அங்கு சிகிச்சை பலனில்லாமல் அவர் இறந்தார். இதுகுறித்து கடையம் போலீசார் வழக்குப்பதிவு செய்து விசாரணை நடத்தி வருகின்றனர்.