விபத்தில் பள்ளி ஊழியர் பலி

தளவாய்புரம், 

தளவாய்புரம் அருகே உள்ள ஜமீன் கொல்லன் கொண்டான் கிராமத்தை சேர்ந்தவர் முருகேசன் (வயது 51).இவர் இங்கு உள்ள நாடார் மேல்நிலைப்பள்ளியில் அலுவலக உதவியாளராக பணிபுரிந்து வந்தார். இந்தநிலையில் இவர் தனது இருசக்கர வாகனத்தில் ராஜபாளையத்திற்கு சென்று விட்டு வீட்டிற்கு திரும்ப வந்து கொண்டிருந்தார். அப்போது ராஜபாளையம் - தென்காசி சாலையில் வந்து கொண்டிருக்கும் போது சாலையோரம் நிறுத்தப்பட்டிருந்த லாரியின் பின் பக்கம் மீது இரு சக்கர வாகனம் மோதியது. இதில் இவர் படுகாயம் அடைந்தார். உடனே அவர் ராஜபாளையம் அரசு மருத்துவமனைக்கு சிகிச்சைக்காக கொண்டு சென்றனர். ஆனால்  அங்கு அவர் சிகிச்சை பலனின்றி உயிரிழந்தார். இதுபற்றி சேத்தூர் புறநகர் போலீசார் வழக்குப்பதிவு செய்து விசாரணை நடத்தி வருகின்றனர்.