கோவிலில் பிரதோஷ விழா

கோவில்பட்டி, மார்ச்:

கோவில்பட்டி வீரவாஞ்சிநகர் சங்கரலிங்கசாமி சமேத சங்கரேஸ்வரி அம்மன் புற்றுக்கோவிலில் பிரதோஷ விழா சிறப்பு பூஜை நடைபெற்றது. இதையொட்டி மாலை 4 மணிக்கு கணபதி பூஜையுடன் தொடங்கி ஸ்தாபன கும்ப கலச பூஜை, ருத்ர ஜெபம், மழை வேண்டி வருண ஜெபம், தீபாராதனை நடைபெற்றது. தொடர்ந்து சங்கரலிங்க சுவாமி, நந்தியம்பெருமானுக்கு மஞ்சள், பால், தேன், வீபூதி, பன்னீர், சந்தனம் போன்ற 18 வகையான சிறப்பு அபிஷேகம் மற்றும் அலங்கார தீபாராதனைகள் நடைபெற்றது. விழாவில் கோவில் நிர்வாக கமிட்டி உறுப்பினர்கள் மற்றும் சுற்றுவட்டார பகுதியை சேர்ந்த பக்தர்கள் திரளாக கலந்து கொண்டனர். பக்தர்கள் நெய் தீபம் ஏற்றி சுவாமி தரிசனம் செய்தனர்.