மின்சாரம் தாக்கி தொழிலாளி சாவு

திருப்புவனம்,

திருப்புவனம் அருகே உள்ள பூவந்தி போலீஸ் சரகத்தைச் சேர்ந்தது ஏனாதி கிராமம். இந்த கிராமத்தை சேர்ந்தவர் கடம்பசாமி (வயது 65).தொழிலாளி. இவர் அருகே உள்ள கணக்கன்குடி கண்மாயில் ஆடுகளை மேய்த்துக் கொண்டு இருந்தார். கண்மாய் பகுதிக்குள் மின்சார வயர் தாழ்வாக சென்றுள்ளது. அதை பார்க்காமல் கடம்பசாமி சென்றுள்ளார். அப்போது அவர் மீது மின்சாரம் தாக்கியுள்ளது. இதில் சம்பவ இடத்திலேயே அவர் இறந்தார். இந்த சம்பவம் குறித்து பூவந்தி போலீஸ் இன்ஸ்பெக்டர் சரிதாபாலு வழக்கு பதிவு செய்து விசாரணை நடத்தி வருகிறார்.