<
திண்டிவனம் அருகே வாகனம் மோதி ஐஸ் வியாபாரி சாவு
திண்டிவனம் அருகே வாகனம் மோதி ஐஸ் வியாபாரி உயிரிழந்தார்.
திண்டிவனம்,
உத்திரப்பிரதேச மாநிலம் கான்பூர் சிட்டி பகுதியைச் சேர்ந்தவர் ராதேஷ்யாம் மகன் சரண் (வயது 21). இவர் திண்டிவனத்தில் முருங்கப்பாக்கம் அடுத்த மாரி செட்டிகுளம் அருகில் தங்கி, சைக்கிளில் சென்று குல்பி ஐஸ் வியாபாரம் செய்து வந்தார்.
இந்த நிலையில் நேற்று வந்தவாசி சாலையில் உள்ள பெரப்பேரி கிராமத்தில் ஐஸ் விற்றுவிட்டு மீண்டும் அந்த சாலையை கடக்க முயன்றார். அப்போது வந்தவாசியில் இருந்து வந்த அடையாளம் தெரியாத வாகனம் சரண் மீது மோதியது. இதில் பலத்த காயமடைந்த அவர் சம்பவ இடத்திலேயே பரிதாபமாக உயிரிழந்தார்.
போலீஸ் விசாரணை
இதுபற்றி தகவல் அறிந்த வெள்ளிமேடுபேட்டை போலீசார் சம்பவ இடத்துக்கு விரைந்து வந்து இறந்தவரின் உடலை கைப்பற்றி பிரேத பரிசோதனைக்காக முண்டியம்பாக்கம் அரசு மருத்துவமனைக்கு அனுப்பி வைத்தனர். இதுகுறித்த புகாரின் பேரில் போலீசார் விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
