இறந்தவர்களின் பெயரில் இருந்த நிலம் போலி ஆவணம் மூலம் விற்பனை

சிவகங்கை மாவட்டம் நாட்டரன்கோட்டையை அடுத்த செங்குளிபட்டி கிராமத்தை சேர்ந்தவர் திருநாவுக்கரசு (வயது 66).இவர் தற்போது மதுரையில் குடும்பத்துடன் வசித்து வருகிறார். இவருக்கு பூர்வீக பாத்தியமான 2 ஏக்கர் 17 சென்ட் நிலம் செங்குளிபட்டியில் உள்ளது. இந்த நிலம் திருநாவுக்கரசின் பெரியப்பா காளிமுத்து மற்றும் தந்தை சின்னையா ஆகியோர் பெயரில் இருந்துள்ளது. அவர்கள் 2 பேரும் சுமார் 10 ஆண்டுக்கு முன்பு இறந்து விட்டனர்.
இந்நிலையில் காரைக்குடியை சேர்ந்த முத்துகண்ணன், நாட்டரசன்கோட்டையை சேர்ந்த ராஜேந்திரன், அழகர், செங்குளிபட்டியை சேர்ந்த கதிரவன் ஆகிய 4 பேர் போலி ஆவணங்களை கொண்டு கடந்த 2-12-2014 அன்று காளையார்கோவில் பத்திரப்பதிவு அலுவலகத்தில் வேறு பெயருக்கு பதிவு செய்ததாக தெரிகிறது.
4 பேர் மீது வழக்கு
 இது பற்றி அறிந்த திருநாவுக்கரசு சிவகங்கை நீதித்துறை நடுவர ்நீதிமன்றம் எண் 2-ல் மனு தாக்கல் செய்தார். இது தொடர்பாக கோர்ட்டு உத்தரவின் பேரில் சிவகங்கை மாவட்ட குற்றபிரிவு சப்-இன்ஸ்பெக்டர் மணிகண்டேஸ்வரன் 4 பேர் மீது வழக்குப்்பதிவு செய்து விசாரணை நடத்தி வருகிறார்.