துக்கம் விசாரிக்க வந்தவர்களுக்கு மரக்கன்றுகள் வழங்கிய குடும்பத்தினர்

கீழப்பழுவூர்:

அரியலூர் மாவட்டம் திருமானூர் ஒன்றியம் வெற்றியூர் ஊராட்சிக்கு உட்பட்ட கள்ளூர் கிராமத்தை சேர்ந்தவர் மரம் கருப்பையா(வயது 90). இவர் தமிழகம் முழுவதும் பல மாவட்டங்களில் கடந்த 40 ஆண்டுகளுக்கும் மேலாக சுமார் 5 லட்சம் மரக்கன்றுகளை நட்டு பராமரித்து வந்தார். இந்நிலையில் நேற்று முன்தினம் அவர் உடல் நலக்குறைவால் இறந்தார். இதையொட்டி துக்கம் விசாரிக்க வந்தவர்களுக்கு, மரம் கருப்பையாவின் எண்ணத்தை நடைமுறைப்படுத்தும் விதமாக அவருடைய குடும்பத்தினர் மரக்கன்றுகளை வழங்கி, அவற்றை நட்டு பசுமையை மீட்டெடுக்க வேண்டும் என்று பொதுமக்களிடம் கேட்டுக்கொண்டனர். இதனால் துக்கம் விசாரிக்க வந்தவர்கள் நெகிழ்ச்சி அடைந்தனர்.