மூங்கில்துறைப்பட்டு அருகே பள்ளி மாணவி விஷம் குடித்து தற்கொலை

மூங்கில்துறைப்பட்டு

மூங்கில்துறைப்பட்டு அருகே உள்ள ரங்கப்பனூர் பகுதியை சேர்ந்தவர் கோவிந்தராஜ் மகள் திவ்யா(வயது 16). இவர் புதுப்பட்டில் உள்ள அரசு மேல்நிலைப் பள்ளியில் 10-ம் வகுப்பு படித்து வந்தார்.  சம்பவத்தன்று வீட்டு வேலை செய்யாமல் இருந்த திவ்யாவை அவரது தாய் இந்திராணி திட்டியதாக கூறப்படுகிறது. இதனால் விரக்தி அடைந்த அவர் பூச்சி மருந்து குடித்து மயங்கி விழுந்தார். இதைப்பார்த்து அதிர்ச்சி அடைந்த அக்கம் பக்கத்தினர் திவ்யாவை சிகிச்சைக்காக சங்கராபுரம் அரசு மருத்துவமனையில் சேர்த்தனர். அங்கு சிகிச்சை பலன் இன்றி அவர் பரிதாபமாக உயிரிழந்தார். இது குறித்த புகாரின் பேரில் வடபொன்பரப்பி போலீஸ் சப்-இன்ஸ்பெக்டர் ஜெயச்சந்திரன் வழக்கு பதிவு செய்து விசாரணை நடத்தி வருகிறார்.