சாமி கும்பிட வந்தவர் பலி

விருதுநகர், 

மதுரை மாவட்டம் பாரப்பத்தி கிராமத்தை சேர்ந்தவர் அழகர் (வயது 47). இவர் இருசக்கர வாகனத்தில் விருதுநகர் அருகே உள்ள செங்குன்றாபுரத்தில் உள்ள குலதெய்வம் கோவிலுக்கு வந்திருந்தார். இவரது மனைவி சாவித்திரி (43),  கிராமத்தை சேர்ந்தவர்களுடன் லாரியில் செங்குன்றாபுரம் வந்திருந்தார். நேற்று சாமி கும்பிட்டு விட்டு ஊருக்கு திரும்பி சென்றுகொண்டிருந்தபோது அழகர் வந்த மோட்டார் சைக்கிள் மீது கிராமத்திலிருந்து வந்த லாரி மோதியதில் சம்பவ இடத்திலேயே அழகர் பரிதாபமாக உயிரிழந்தார். இதுபற்றி சாவித்திரி கொடுத்த புகாரின் பேரில் ஆமத்தூர் போலீசார் வழக்குப்பதிவு செய்து பாரப்பத்தி கிராமத்தை சேர்ந்த லாரி டிரைவர் நாகமலை (28) என்பவரை கைது செய்து வழக்கு பதிவு செய்துள்ளனர்.