கெலமங்கலம் அருகே விபத்தில் விவசாயி சாவு

ராயக்கோட்டை,

கிருஷ்ணகிரி மாவட்டம் கெலமங்கலம் அருகே உள்ள துருக்கப்பாளையம் கிராமத்தை சேர்ந்தவர் சிவப்பா (வயது 30). அதே ஊரைச் சேர்ந்தவர் முனிராஜி (46). விவசாயிகளான இவர்கள் 2 பேரும் மோட்டார் சைக்கிளில் தேன்கனிக்கோட்டையில் இருந்து கெலமங்கலம் நோக்கி வந்துக்கொண்டு இருந்தனர். அப்போது பிதிரெட்டி பிரிவு சாலையில் நடந்்து சென்ற தேன்கனிக்கோட்டையை சேர்ந்த ராஜி என்பவர் மீது மோட்டார் சைக்கிள் மோதியது. இதில் கீழே விழுந்ததில் மோட்டார் சைக்கிளின் பின்னால் அமர்ந்து சென்ற முனிராஜி படுகாயம் அடைந்தார். அக்கம் பக்கத்தினர் அவரை மீட்டு சேலம் அரசு மருத்துவமனையில் சேர்த்தனர். அங்கு தீவிர சிகிச்சை அளித்தும் பலனின்றி முனிராஜி பரிதாபமாக இறந்தார். விபத்து குறித்து ராயக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.