<
மேலும் ஒரு வாலிபர் கைது
மோட்டார்சைக்கிள் பறிப்பு வழக்கில் மேலும் ஒரு வாலிபர் கைது
அவினாசி
அவினாசிராஜன் நகரை சேர்ந்த மணி மகன் பிரகாஷ் வயது21 இவர் பிளம்பிங் வேலை பார்த்து வருகிறார். கடந்த 18 ந்தேதி இரவு வேலை முடித்துவிட்டு மோட்டார் சைக்கிளில் வீட்டிற்கு சென்றுகொண்டிருந்தார். அவினாசியை அடுத்து அவினாசிலிங்கம்பாளையம் மேம்பாலம் பைபாஸ் ரோட்டில் வேகத்தடை அருகே மெதுவாக வந்த போது எதிரில் மோட்டார் சைக்கிளில் வந்த 2 பேர் பிரகாசை வழிமறித்து அவரது மோட்டார் சைக்கிள் மற்றும் அவரிடமிருந்த ரூ.2000 த்தையும் பறித்து சென்றனர். இது குறித்த புகாரின்பேரில் அவர்கள் இருவரையும் அவினாசி போலீசார் கைது செய்தனர்.
இதில் தொடர்புடைய பாலாஜி சரவணன் 25 என்பவரை போலீசார் தேடி வந்தனர். இந்த நிலையில் நேற்று போலீசார் வாகன தணிக்கை மேற்கொண்டனர். அப்போது அவ்வழியே மோட்டார் சைக்கிளில் வேகமாக வந்த நபரை பிடித்து விசாரித்ததில் அவர் திருப்பூர் மண்ணரையை சேர்ந்த பாலாஜி சரவணன் 25 என்பது தெரியவந்தது. எனவே போலீசார் பாலாஜி சரவணனை கைது சிறையில் அடைத்தனர். மேலும் அவர்களிடமிருந்து 2 மோட்டார் சைக்கிள்கள் பறிமுதல் செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
