விபத்தில் தொழிலாளி பலி

முக்கூடல், மார்ச்:

ரவணசமுத்திரம் அருகே உள்ள பிள்ளைகுளத்தை சேர்ந்தவர் தங்கப்பாண்டி (வயது 52). ஓட்டல் தொழிலாளி. சம்பவத்தன்று இவர் நெல்லைக்கு மோட்டார்சைக்கிளில் சென்று கொண்டிருந்தார். செங்குளம் அருகில் வந்தபோது மற்றொரு வாகனம், தங்கப்பாண்டி மீது மோதி விட்டு சென்றுவிட்டது. இதில் படுகாயம் அடைந்த அவரை நெல்லை அரசு ஆஸ்பத்திரியில் சேர்த்தனர். அங்கு சிகிச்சை பலனின்றி அவர் நேற்று இறந்தார். பாப்பாக்குடி போலீசார் வழக்குப்பதிவு செய்து விசாரணை நடத்தி வருகின்றனர்.