பெரம்பலூரில் கொரோனா பாதிப்பு இல்லை

பெரம்பலூர்:

பெரம்பலூர் மாவட்டத்தில் நேற்று யாரும் புதிதாக கொரோனாவினால் பாதிக்கப்படவில்லை. ஏற்கனவே 7 பேர் கொரோனாவிற்கு சிகிச்சை பெற்று வருகின்றனர். ஆனால் அரியலூர் மாவட்டத்தில் மீண்டும் கொரோனாவின் தாக்கம் நாளுக்கு நாள் அதிகரித்து வருகிறது. மாவட்டத்தில் நேற்று மட்டும் ஒரே நாளில் 9 பேர் கொரோனாவினால் பாதிக்கப்பட்டுள்ளனர். இதனால் மாவட்டத்தில் கொரோனாவினால் பாதிக்கப்பட்டவர்களின் எண்ணிக்கை 4 ஆயிரத்து 794 ஆக உயர்ந்துள்ளது. இதில் ஏற்கனவே 49 பேர் உயிரிழந்துள்ளனர். 4 ஆயிரத்து 713 பேர் சிகிச்சை பெற்று வீடு திரும்பியுள்ளனர். தற்போது மருத்துவமனைகளில் 32 பேர் சிகிச்சை பெற்று வருகின்றனர்.