ஆவணங்கள் இன்றி கொண்டு வந்த ரூ52 ஆயிரம் பறிமுதல்

தினத்தந்தி 27 March 2021 12:35 AM IST (Updated: 27 March 2021 12:38 AM IST)

பொள்ளாச்சி அருகே ஆவணங்கள் இன்றி கொண்டு வந்த ரூ.52 ஆயிரம் பறிமுதல் செய்யப்பட்டது.

பொள்ளாச்சி,

பொள்ளாச்சி அருகே ராசக்காபாளையத்தில் தேர்தல் பறக்கும்படை அதிகாரிகள் வாகன சோதனையில் ஈடுபட்டனர். அப்போது அந்த வழியாக வந்த வாகனத்தை நிறுத்தி சோதனை செய்தனர். அதில் ரூ.52 ஆயிரம் இருந்தது.

உடனே அந்த வாகனத்தில் இருந்தவரிடம் விசாரணை நடத்தினார்கள். அதில் அவர் கேரளாவை சேர்ந்த அக்தர் என்பதும் உரிய ஆவணங்கள் இல்லாமல் ரூ.52 ஆயிரத்தை கொண்டு செல்வதும் தெரியவந்தது.

இதையடுத்து அந்த பணத்தை பறக்கும் படை அதிகாரிகள் பறிமுதல் செய்து, தேர்தல் நடத்தும் அதிகாரி வைத்திநாதனிடம் ஒப்படைத்தனர்.

இதேபோன்று பொள்ளாச்சி-கோட்டூர் ரோடு பஸ் நிறுத்தத்தில் வைத்து கணேஷ் என்பவரிடம் பறக்கும் படை அதிகாரிகள் ரூ.1 லட்சத்து 62 ஆயிரத்து 580-யை பறிமுதல் செய்தனர்.

அதற்கான ஆவணங்களை அதிகாரிகளிடம் கணேஷ் ஒப்படைத்ததால் அந்த பணம் திரும்ப அவரிடம் ஒப்படைக்கப்பட்டது.