சிவன் கோவில்களில் சிறப்பு வழிபாடு

ராஜபாளையம்,

ராஜபாளையத்தில் உள்ள சிவன் கோவில்களில் சிறப்பு வழிபாடு நடைபெற்றது. 

ராஜபாளையம் அருகே வாழவந்தாள்புரம் கிராமத்தில் மன்மத ராஜலிங்கேஸ்வரர் கோவில் உள்ளது. இந்த கோவிலில் பிரதோஷத்தையொட்டி சிறப்பு வழிபாடு நடந்தது. 

முன்னதாக நந்திக்கு மஞ்சள், தேன், இளநீர், பால், தயிர், எலுமிச்சை, கரும்புச்சாறு, பன்னீர், சந்தனம் உள்பட பல்வேறு பொருட்களால் அபிஷேகம் நடந்தது. தொடர்ந்து நடைபெற்ற சிறப்பு வழிபாட்டில் திரளான பக்தர்கள் கலந்து கொண்டு சாமி தரிசனம் செய்தனர். 

அதேபோல சொக்கர் என்ற மீனாட்சி சுந்தரேஸ்வரர் கோவில், மாயூரநாதர் கோவில், அருணாச்சலேஸ்வரர் கோவில், குருசாமி கோவில், தெற்கு வெங்கநல்லூர் சிதம்பரேஸ்வரர் கோவில், சோழபுரம் விக்கிரம பாண்டீஸ்வரர் கோவில், பறவை அன்னம் காத்தருளிய சுவாமி கோவில் உள்பட மாவட்டத்தில் உள்ள பல்வேறு சிவன் கோவில்களில் பிரதோஷத்தையொட்டி சிறப்பு வழிபாடு நடைபெற்றது. இதில் எண்ணற்ற பக்தர்கள் கலந்து கொண்டனர். 

வெம்பக்கோட்டை அருகே உள்ள சத்திரம் கிராமத்தில் காசி விஸ்வநாதர் கோவில் உள்ளது. 

இந்த கோவிலில் பிரதோஷத்தையொட்டி நந்தி பெருமானுக்கு சிறப்பு பூஜை நடந்தது. அதேபோல வெம்பக்கோட்டையில் உள்ள மீனாட்சி சுந்தரேஸ்வரர் கோவிலிலும் சிறப்பு வழிபாடு நடந்தது.