வீட்டிற்குள் கட்டியிருந்த விஷ வண்டுகள் அழிப்பு

கரூர் மாவட்டம், ஒரத்தை அருகே பெரியபுதூர் பகுதியை சேர்ந்தவர் சிவராஜ். இவரது ஓட்டு வீட்டிற்குள் விஷ வண்டுகள் கூடுகட்டி இருந்தன. இந்த விஷ வண்டுகள் நேற்று சிவராஜ் மற்றும் அவரது குடும்பத்தினரை கடித்தன. இதனால், வலியால் துடித்த அவர்கள் வேலாயுதம்பாளையம் தீயணைப்பு நிலையத்திற்கு தகவல் தெரிவித்தனர். அதன்பேரில், நிலைய அலுவலர் திருமுருகன் தலைமையில் தீயணைப்பு மற்றும் மீட்புப் படையினர் சம்பந்தப்பட்ட வீட்டிற்கு சென்று அங்கு கூடு கட்டியிருந்த விஷ வண்டுகளை தண்ணீரை பீய்ச்சி அடித்து அழித்தனர்.