<
சீனாபுரம் சந்தையில் ரூ.50 லட்சத்துக்கு மாடுகள் விற்பனை
சீனாபுரம் சந்தையில் ரூ.50 லட்சத்துக்கு மாடுகள் விற்பனை ஆனது.
பெருந்துறை
சீனாபுரம் சந்தையில் ரூ.50 லட்சத்துக்கு மாடுகள் விற்பனை ஆனது.
மாட்டுச்சந்தை
சீனாபுரம் மாட்டுச்சந்தை வழக்கம்போல் நேற்று நடந்தது. இந்த சந்தைக்கு தர்மபுரி, சேலம், நாமக்கல் போன்ற வெளிமாவட்டங்களில் இருந்து மாடுகள் விற்பனைக்காக கொண்டுவரப்படவில்லை.
ஆனால், ஈரோடு மாவட்டத்தின் பல்வேறு பகுதிகளில் இருந்து விர்ஜின் இன பசு மாடுகள் 50-ம், அதன் கிடாரி கன்றுக்குட்டிகள் 100-ம், சிந்து மற்றும் ஜெர்சி இன பசு மாடுகள் 75-ம், அதன் கிடாரி கன்றுக்குட்டிகள் 100-ம் விற்பனைக்காக கொண்டு வரப்பட்டிருந்தன.
ரூ.50 லட்சம்
இதில் விர்ஜின் இன பசு மாடு ஒன்று ரூ.25 ஆயிரம் முதல் ரூ.30 ஆயிரம் வரையும், அதன் கிடாரி கன்றுக்குட்டி ஒன்று ரூ.20 ஆயிரம் முதல் ரூ.30 ஆயிரம் வரையும் விற்பனை ஆனது.
சிந்து மற்றும் ஜெர்சி இன பசு மாடு ஒன்று ரூ.20 ஆயிரம் முதல் ரூ.25 ஆயிரம் வரையிலும், அதன் கிடாரி கன்றுக்குட்டி ஒன்று ரூ.10 ஆயிரம் முதல் ரூ.15 ஆயிரம் வரையிலும் விற்பனை செய்யப்பட்டது.
சீனாபுரத்தில் மாடுகள் மொத்தம் ரூ.50 லட்சத்துக்கு விற்பனை ஆனதாக சந்தை நிர்வாகிகள் தெரிவித்தனர். பெருந்துறை மற்றும் அதைச்சுற்றியுள்ள பகுதிகளை சேர்ந்த விவசாயிகள் மற்றும் வியாபாரிகள் இங்கு வந்து மாடுகளை விலை பேசி வாங்கிச்சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
