மினி பஸ் மோதி மூதாட்டி பலி

சிவகாசி, 

சிவகாசி அருகே உள்ள ஆலமரத்துப்பட்டியை சேர்ந்தவர் ஜக்கம்மாள். இவரது தாய் பாப்பம்மாள் (வயது 75). இவர் உடல் நலம் சரியில்லாமல் இருந்த நிலையில் திருத்தங்கலில் உள்ள ஒரு தனியார் மருத்துவமனையில் சிகிச்சை பெற்று வந்தார். இந்த நிலையில் அவர் நேற்று முன்தினம் சிவகாசி பஸ் நிலையத்துக்கு வந்து ஊருக்கு செல்வதற்காக காத்திருந்தார். அப்போது பஸ் நிலையத்துக்குள் மினி பஸ், பாப்பம்மாள் மீது மோதியது. இதில் அவர் பலத்த காயம் அடைந்தார். உடனே அருகில் இருந்தவர்கள் அவரை மீட்டு சிவகாசி அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர், மூதாட்டி பாப்பம்மாள் ஏற்கனவே இறந்துவிட்டதாக தெரிவித்தார். இந்த விபத்து குறித்து சிவகாசி டவுன் போலீசார் வழக்குபதிவு செய்து விசாரணை நடத்தி வருகிறார்கள்.