ஆலங்குளம் அரசு சிமெண்ட் ஆலையை நவீனபடுத்த பாடுபடுவேன்; அ.ம.மு.க.வேட்பாளர். எஸ்.ஆர் ராஜவர்மன் எம்.எல்.ஏ பேச்சு

சாத்தூர் சட்ட தொகுதிக்கு உட்பட்ட பகுதிகளான சுண்டங்குளம், கண்மாய்பட்டி, வலையபட்டி,பெத்தலேகம்,கோயிலூர்,அருணாசலபுரம்,மேலாண்மறைநாடு, சுப்பைய நாயக்கன்பட்டி, வடக்கான் மறைநாடு, இராமலிங்காபுரம்,கரிசல்குளம், மேட்டூர், சீவலபேரி, டி.என்.சி முக்குரோடு, ஆலங்குளம், குண்டாயிருப்பு, ராமுத்தேவன்பட்டி, உள்ளிட்ட பகுதியில் எம்.எஸ்.ஆர் ராஜவர்மன் எம்.எல். ஏ குக்கர் சின்னத்தில் வாக்குகள் சேகரித்தார். தன்னை அதிக வாக்கு வித்தியசாத்தில் வெற்றிபெற செய்யுமாறு கேட்டு கொண்டார்.

பேசுகையில் ஆலங்குளம் அரசு சிமெண்ட் ஆலையை நவீனபடுத்த சட்டசபையில் குரல் எழுப்பினேன். மீண்டும் என்னை சட்டசபைக்கு அனுப்பினால், கண்டிப்பாக ஆலங்குளம் அரசு சிமெண்ட் ஆலையை நவீன படுத்த பாடுபடுவேன், அரசு சிமெண்ட் சீட்டு ஆலையை மீண்டும் நடைபெற பாடுபடுவேன் இந்த பகுதியில் மக்கள் நலன் காக்க கொரோனா காலத்தில் முகக்கவசம் மற்றும் கிருமி நாசினி தெளித்து மாத்திரைகளை தொகுதி முழுவதும் வழங்கியுள்ளேன். மேலும் பேவர் பிளாக் சாலை, அரசு மேல்நிலை நீர்த்தேக்கத் தொட்டி அமைத்துள்ளேன். எனக்கு மக்கள் பணியாற்றிட மீண்டும் ஒருமுறை வாய்ப்பு தாருங்கள். நான் உங்கள் வீட்டு பிள்ளையாக இருந்து பணியாற்றுவேன். நான் உங்களுக்காக உழைக்க அ.ம.மு.க வின் வெற்றி சின்னமான குக்கர் சின்னத்தில் வேட்பாளராக உள்ளேன். 

யார் பணம் கொடுத்தாலும் வாங்கி கொள்ளுங்கள். அந்த பணம் உங்கள் வரிபணம். ஆனால் நீங்கள் குக்கர் சின்னத்தில் வாக்களித்து மக்கள் பணியாற்றிட எனக்கு வாய்ப்பு தாருங்கள் என்றார். நான் வெற்றி பெற்ற உடன் ஆலங்கும் அரசு சிமெண்ட் ஆலையை நவீனபடுத்த பாடுபடுவேன். இந்த பகுதியில் உள்ள பள்ளிகளின் தரம் உயர்த்த பாடு படுவேன். வீடுகள் தோறும் குடிநீர் குழாய் இணைப்பு அமைத்துதருவேன்.முக்கிய சாலை சந்திப்புகளில் உயர் மின்விளக்கு கோபுரங்கள் அமைக்க நடவடிக்கை எடுப்பேன் என்றார். 

அவருடன் அ.ம.மு.க கட்சி நகர ஒன்றிய நிர்வாகிகள் மற்றும் தொண்டர்கள் தேமுதிக நகர ஒன்றிய கழக நிர்வாகிகள் மற்றும் தொண்டர்கள் மற்றும் கூட்டணி கட்சி நிர்வாகள் மற்றும் தொண்டர்கள் பொதுமக்கள் என ஏராளமானோர் கலந்து கொண்டனர்.