<
விழுப்புரம் மாவட்டத்தில் பறக்கும் படையினருடன் மத்திய பாதுகாப்பு படையினரும் இணைந்து வாகன சோதனை
விழுப்புரம் மாவட்டத்தில் பறக்கும் படையினருடன் மத்திய பாதுகாப்பு படையினரும் இணைந்து வாகன சோதனையில் ஈடுபட்டனா்.
விழுப்புரம்,
தமிழக சட்டமன்ற தேர்தலையொட்டி விழுப்புரம் மாவட்டத்தில் உள்ள 7 சட்டமன்ற தொகுதிகளுக்கும் ஒரு தொகுதிக்கு 3 குழுக்கள் வீதம் 21 பறக்கும் படை குழுக்களும், ஒரு தொகுதிக்கு ஒரு குழு வீதம் 7 நிலையான கண்காணிப்பு குழுக்களும் அமைக்கப்பட்டு அந்த குழுவினர் மாவட்டம் முழுவதும் தீவிர வாகன சோதனை மேற்கொண்டு வருகின்றனர்.
இதுதவிர துணை போலீஸ் சூப்பிரண்டு மேற்பார்வையில் ஒவ்வொரு தொகுதிக்கும் ஒரு குழு வீதம் காவல்துறையின் சார்பில் 7 சிறப்புக்குழு அமைக்கப்பட்டு அவர்களும் மாவட்டத்தின் முக்கிய இடங்களில் தீவிர வாகன சோதனை மேற்கொண்டு வருகின்றனர்.
இந்நிலையில் பறக்கும் படையினருடன் மத்திய பாதுகாப்பு படையும் இணைந்து சோதனை நடத்த தேர்தல் ஆணையம் அறிவுறுத்தியுள்ளது. அதன்படி மாவட்டத்தில் உள்ள 7 சட்டமன்ற தொகுதிகளிலும் பறக்கும் படை, நிலையான கண்காணிப்பு குழுக்களுடன் மத்திய பாதுகாப்பு படை வீரர்கள் 4 பேர் நியமிக்கப்பட்டுள்ளனர்.
இவர்கள் உதவியுடன் பறக்கும் படையினர், நிலையான கண்காணிப்பு குழுவினர், மாவட்டம் முழுவதும் முக்கிய இடங்கள், மாநில, தேசிய நெடுஞ்சாலைகள் மற்றும் மாவட்ட எல்லைப்பகுதிகளிலும் தீவிரமாக கண்காணிப்பு பணியில் ஈடுபட்டு வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
