<
மொபட் மீது மோதிய லாரி தீப்பிடித்த சம்பவம்: படுகாயமடைந்த ஆசிரியை சாவு
மொபட் மீது மோதிய லாரி தீப்பிடித்த சம்பவத்தில் படுகாயமடைந்த ஆசிரியை உயிரிழந்தாா்.
மயிலம்,
விழுப்புரம் மாவட்டம் மயிலம் அருகே உள்ள பாதிரிப்புலியூரை சேர்ந்தவர் மணிமாறன். இவரது மனைவி மகாலட்சுமி (வயது 32). இவர் முண்டியம்பாக்கத்தில் உள்ள தனியார் பள்ளியில் ஆசிரியையாக வேலை பார்த்து வந்தார்.
நேற்று முன்தினம் வேலை முடிந்து தனது ஊருக்கு மொபட்டில் சென்று கொண்டிருந்தார். அப்போது பாதிரிபுலியூர் அருகே தேசிய நெடுஞ்சாலையில் அவர் சென்ற போது, பின்னால் சென்னையை நோக்கி வந்த டேங்கர் லாரி மகாலட்சுமி மீது மோதியது.
இதில், மகாலட்சுமி ஓட்டி வந்த மொபட் லாரியில் சிக்கி சிறிது தூரம் இழுத்து செல்லப்பட்டது. அப்போது, மொபட்டில் இருந்த பெட்ரோல் டேங்க் நசுங்கியதில் மொபட்டும், லாரியும் தீப்பிடித்து எரிந்து சேதமானது. மேலும் மகாலட்சுமி தீக்காயங்களுடன் படுகாயம் அடைந்தார்.
இதையடுத்து அவர் சிகிச்சைக்காக முண்டியம்பாக்கம் மருத்துவகல்லூரி மருத்துவமனையில் சிகிச்சைக்காக சேர்க்கப்பட்டார். அங்கிருந்து மேல்சிகிச்சைக்காக சென்னைக்கு கொண்டு செல்லப்பட்ட அவர், செல்லும் வழியிலேயே உயிரிழந்தார். இந்த சம்பவம் தொடர்பாக மயிலம் போலீசார் வழக்குப்பதிவு செய்து, தப்பி ஓடிய டிரைவரை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
