<
இறைச்சி கடைக்காரரை கத்தியால் குத்தியவர் கைது
திண்டுக்கல் அருகே இறைச்சி கடைக்காரரை கத்தியால் குத்தியவரை போலீசார் கைது செய்தனர்.
திண்டுக்கல்:
திண்டுக்கல் அருகே உள்ள மேட்டுப்பட்டியை சேர்ந்தவர் ஜோசப் ஜான் பீட்டர் (வயது 51). இவர் மேட்டுப்பட்டியில் இறைச்சிக்கடை நடத்தி வருகிறார்.
இவரது கடையில் அதே பகுதியை சேர்ந்த வினோத் சகாயராஜ் (43) என்பவர் வேலை பார்த்தார்.
இவர் கடந்த சில நாட்களுக்கு முன்பு குடும்ப செலவிற்காக ஜோசப் ஜான்பீட்டரிடம் பணம் வாங்கினார்.
இந்தநிலையில் அவர் வேறு கடைக்கு வேலைக்கு சென்றுவிட்டார். இதனால் ஆத்திரமடைந்த ஜோசப் ஜான்பீட்டர், வினோத் சகாயராஜ் வீட்டிற்கு சென்று அவரது மனைவியிடம் கொடுத்த பணத்தை திரும்ப தருமாறு கேட்டு தகராறு செய்தார்.
இது வினோத் சகாயராஜுக்கு ஆத்திரத்தை ஏற்படுத்தியது. இதைத்தொடர்ந்து அவர் கத்தியால் ஜான்பீட்டரை சரமாரியாக குத்தினார்.
இதில் படுகாயம் அடைந்த ஜோசப் ஜான்பீட்டர் திண்டுக்கல் அரசு மருத்துவமனையில் சிகிச்சைக்காக அனுமதிக்கப்பட்டார்.
இதுகுறித்து திண்டுக்கல் தாலுகா போலீஸ் நிலையத்தில் புகார் செய்யப்பட்டது.
அதன்பேரில் சப்-இன்ஸ்பெக்டர் விஜய் வழக்குப்பதிவு செய்து நேற்று வினோத் சகாயராஜை கைது செய்தார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
