மணல் கடத்திய 3 பேர் கைது

கயத்தாறு:

கயத்தாறு அருகே உள்ள திருமங்களகுறிச்சி கிராமத்தில் ஊருக்கு தென்புறத்தில் பொதுப்பணித்துறை கண்மாயில் சிலர் லாரி, பொக்லைன் எந்திரத்துடன் மணல் கடத்திக் கொண்டு இருந்தனர். 

இதுகுறித்து தகவல் அறிந்த கிராம மக்கள் அங்கு சென்று மணல் அள்ளிக்கொண்டு இருந்தவர்கள், லாரி, பொக்லைன் எந்திரம் ஆகியவற்றை சிறைபிடித்தனர். 

பின்னர் கயத்தாறு போலீஸ் நிலையத்திற்கு தகவல் தெரிவித்தனர். போலீசார் விரைந்து வந்து பிடிபட்ட 3 பேரிடம் விசாரணை நடத்தினார்கள். விசாரணையில் அவர்கள் உக்கிரன்கோட்டையைச் சேர்ந்த மகேந்திரன் (வயது 29), வாகைகுளத்தை சேர்ந்த ராஜ் (43), செல்லத்துரை (24) ஆகியோர் என்பது தெரியவந்தது. இதையடுத்து 3 பேரையும் போலீசார் கைது செய்து, லாரி, பொக்லைன் எந்திரம் ஆகியவற்றை பறிமுதல் செய்தனர்.